Instagram: Alisher Uzoqovni muxlisga tarsaki tushirishga nima majbur qildi? Zarina Nizomiddinovaning sochi ulamami? Farzandli bo‘lgan “Million” a’zosi

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Aktrisa Yulduz Rajabova “Qora quti” deb nomlangan serialda suratga tusha boshladi.

O‘zbek milliy akademik drama teatri aktyorlari koronavirusga qarshi emlandi.

Yigitali Mamajonov nima sababdan teatrda ishlashni xohlamasligiga izoh berdi.

Yulduz Turdiyeva tug‘ilgan kuni munosabati bilan tabrik yo‘llagan barcha muxlislariga minnatdorchilik bildirdi.

Zarina Nizomiddinovaning stilisti Azamat aktrisaning sochlari ulama ekanligi haqidagi mish-mishlarga video tarzida javob yo‘lladi.

Lola o‘ziga bino qo‘ygan kishilar atrofdagilarga salbiy ta’sir ko‘rsatishi haqida mulohaza yuritdi.

Shahzod Sultonov “Aldaydi” deb nomlangan qo‘shig‘iga ishlangan klipni taqdim etdi. Klipda olti nafar mashhur aktrisa suratga tushgan.

Sitora Farmonova folloverlariga kelinlik libosida ko‘rinish berdi.

Aktrisa Gulchehra Eshonqulova AQShda farzandlari bilan baxtsiz hodisa ro‘y berishiga bir baxya qolgani haqida so‘zlab berdi.

“Million” kulgi jamoasi rezidenti Alisher Botirov uchinchi marta ota bo‘ldi. Aktyorning oilasida o‘g‘il farzand dunyoga kelgan.

Alisher Uzoqov “Diydor” teatri sahnasida rol ijro etayotganida o‘zini nomaqbul tutgan tomoshabinning yuziga tarsaki tortib yuborgani haqida so‘zlab berdi. “San’atning fojiasi bo‘lgani kabi, ana shu fojia tomoshabinlarda ham bor. Tomosha qilishni bilishmaydi”, — deydi aktyor.

Xonanda Ahror Usmonovning rafiqasi Gulbahor Usmonova 2016-yilda Alijon Isoqovning Toyota Prado avtomobilini boshqarayotganida avtohalokat sodir etgani, shunday qiyin vaziyatda Alijon Isoqov noto‘g‘ri axborot tarqatgani hamda ularni tushunmay qolgani haqida so‘zlab berdi.