Юқори чўққиларни забт этган Болливуд юлдузлари — Ражеш Кханна ва Димпл Кападиянинг қизлари бўлиш ўз-ўзидан қийин вазифа. Жуфтликнинг икки қизи бор– Твинкл ва Ринке Кханна сифатида танилган Вринкл.
Жуфтликнинг икки қизи ҳам актриса бўлишга қарор қилди ва 22 ёшида дебют қилишга муваффақ бўлди. Бошланишига бу жуда яхши эди, иккиси ҳам дебют роли учун тақдирланди. Сўнгра турмуш қургач, улар Болливудни тарк этди.
Твинкл Кханна
Твинкл Кханна отаси 32 ёшга тўлган кунида – 1973 йил 29 декабрда туғилган. Актрисанинг туғилган кунини дадаси билан биргаликда нишонлаш бахтига муяссар бўлгани ва бу кунга боғлиқ болалик хотиралари бисёр.
У Болливуддаги дебютини 1995 йилда «Ёмғирлар мавсуми» фильми билан бошлаган, картинада актриса яна бир дебютант Боби Деол билан рол ижро этган. Твинкл ҳам, Бобби ҳам энг яхши дебюти учун Filmfare мукофотига сазовор бўлган.
Твинкле, аслида, актриса бўлишни хоҳламаган ва мактабдан кейин ҳисобчи бўлишга қарор қилган. Лекин ота-онаси унинг фильмларда рол ўйнашини хоҳлаган.
«Мен ўрта мактабни тугатганимда ҳисобчи бўлишни хоҳлардим. Аммо ота-онам мени уларнинг изидан боришимни орзу қиларди ва мен буни уддаладим. Саккиз йил ўтгач, актриса сифатида муваффақиятсизликка учрадим, деган хулосага келдим», – тан олади Твинкл. У Болливуднинг деярли барча супер юлдузлари билан ишлаган.
Каран Жоҳарнинг «Ҳаётда ҳамма нарса бўлади» фильмидаги машҳур Тина ролига дастлаб Твинкл таклиф қилинган. Каран сценарийни фақат у ҳақида ўйлаб ёзган, чунки унга ошиқ бўлган. Бироқ Твинкл ролни рад этган ва бу рол Рани Мукержига насиб этган.
2001 йилда Амир Хон билан иштирок этган фильми муваффақиятсиз тугагач, Твинкл актёр Акшай Кумарга турмушга чиқди ва кино соҳасини бутунлай тарк этди.
Акшай 2014 йилда «Каран Жоҳар қаҳвахонаси» кўрсатувида у ҳақида шундай деди: «У бу фильмга жуда ишонган ва агар фильм муваффақиятсизликка учраса, у менга турмушга чиқишини айтган. Яхшиямки, фильм муваффақиятсиз тугади ва биз турмуш қурдик». Жуфтликнинг иккита фарзанди бор – ўғли Аарав ва қизи Нитара. Твинкл ҳозир Мумбайдаги White Window деб номланган интерьер дизайн дўконининг эгаси. Шунингдек, у таниқли ёзувчи ва бир нечта китоблар ёзган.
Гарчи унинг Болливуддаги карьераси ўзига хос бўлмаса-да, Твинкл синглиси Ринкега қараганда анча машҳур.
Ринке Кханна
Ринке 1977 йил 27 июлда туғилган ва ўз фаолиятини 1999 йилда «Севгида шундай бўлади» мелодрамаси билан бошлаган. Фильм ҳар хил баҳоларга сазовор бўлди, лекин ёш ва гўзал Ринке «Йилнинг энг яхши дебютанти» мукофотига сазовор бўлди. Ундан сўнг актриса яна бир неча фильмларда рол ижро этишга муваффақ бўлган.
У кино саноатида атиги тўрт йил ишлаган ва 9 та фильмда рол ўйнаган. 2003 йилда «Тунги ваҳийлар» фильми (Чамели, 2004) унинг охирги иши бўлди, шундан сўнг Ринке бу соҳа билан хайрлашди.
2003 йилда Ринке тадбиркор Самир Саран билан турмуш қурди ва у билан Лондонга кўчиб ўтди. 2004 йилда у Наомика исмли қизини ва бир неча йилдан ўғлини дунёга келтирди.
Димпл ва Ражешнинг қизларини машҳур актрисаларга айлантириш учун қилган барча уринишлари муваффақиятсиз тугади.
Мавзуга доир:
Изоҳ (0)