Nega yulduzlar ajrashadi? Ular doim ham xarakterlarш to‘g‘ri kelmasligidan ayrilib ketmaydi. Albatta, boshqa sabablar ham talaygina. Quyida yulduzlarning ajrashishiga nima sabab bo‘lganini e’tiboringizga havola etamiz.
Keti Xolms va Tom Kruz
Keti Xolms va Tom Kruzning ajrashish sabablarini g‘alati deb atash mumkin. Aktyorlarning olti yillik turmushi davomida Tomning sayentologiyaga bo‘lgan qiziqishi ortdi. Gollivudning kelishgan aktyori gonorarining katta qismini cherkovga hadya qildi va qizi Surini o‘z dini bilan tanishtirishga harakat qildi. Uning turmush o‘rtog‘i qizining ushbu mazhabda bo‘lishiga mutlaqo qarshi edi, shuning uchun Keti ajrashish uchun ariza berishga majbur bo‘ldi. Keyinchalik, er-xotinning do‘stlari, Keti erining psixologik holatidan ham qo‘rqishini aytdi, chunki u so‘nggi yillarda o‘zini yaxshi tutmagan.
Xolli Berri va Olivye Martines
Xolli Berri va Olivye Martinesning ajrimiga sabab aktrisa erining janjallariga chidashdan charchagani bo‘ldi. Mashhur ajralishning rasmiy sababi sifatida murosasiz kelishmovchilik ro‘kach qilindi, lekin er-xotinning yaqin do‘stlari ta’kidlashicha, aslida nikoh buzilgan, chunki Martinesda agressivlik kuzatilgan. U tez -tez bezovta qiluvchi paparatssilarga hujum qilib, barlarda janjallashib turardi. Xolli esa oxir oqibat zo‘ravonlik qurboniga aylanishidan qo‘rqdi. Eslatib o‘tamiz, yulduzlar 2013-yil 13-iyulda turmush qurgan. To‘ydan ikki oy oldin ularning Mateo-Robert ismli o‘g‘li dunyoga kelgan. Berrining Gabriyel Obri tomonidan Nala ismli qizi bor.
Devid Duxovni va Tea Leoni
Devid Duxovniy va Tea Leonining ajrimiga 2008-yilda aktyorning rafiqasi uning xiyonatlari haqida bilib qolgani sabab bo‘ldi. Nikohni saqlab qolish uchun yulduz xiyonat qilmaslikka rozi bo‘ldi. Duxovniyning so‘zlariga ko‘ra, u buning uddasidan chiqqan, ammo bu oilani qutqarishga yordam bermagan. 2014-yilda rasmiy ajrimdan so‘ng, Tea Leoni Devid bilan bo‘lgan munosabatlar mukammal emasligini tan oldi, lekin u hayotidagi ikkita eng katta sovg‘asi –farzandlari uchun minnatdor.
Gvinet Peltrou va Kris Martin
“Biz bir-birimizni juda yaxshi ko‘rsak ham, biz alohida yashaymiz degan xulosaga keldik”, deya Gvinet 2014-yilda Goop veb-saytida Kris Martin bilan ajrashganini e’lon qildi. Mashhurlar janjalsiz ayrilishga harakat qildi va asosiy sabablarni ham aytmadi. Ular bolalarni tarbiyalashda va bir-birlarini qo‘llab-quvvatlashda davom etdi. Muxlislar bu juftlikni ajralishdan keyin qanday qilib munosabatlarni saqlashni o‘rganishni orzu qilganlar uchun namuna qilib ko‘rsatdi.
To‘g‘ri, keyinchalik ma’lum bo‘lishicha, yulduzlarning oilaviy hayotida hammasi unchalik silliq bo‘lmagan. Krisning do‘stlari jurnalistlarga aytishicha, musiqachi xotinining g‘alati holatlaridan charchagan. U uni va bolalarni cheksiz parhez va to‘liq nazorat bilan qiynoqqa solgan. Ehtimol, bu er-xotin o‘rtasidagi jiddiy kelishmovchiliklarga sabab bo‘lgan.
Hilari Suonk va Chad Lou
Juftlikning yaqinlari ta’kidlashicha, Chad Lou juftining mashhurligi bilan kelisha olmagani uchun ajrashgan. Hilari butun dunyoga mashhur bo‘lib ulgurganda, uning eri o‘sha paytda rejissorlarning taklifisiz o‘tirgan. Keyinchalik u Hilarini oilasi bilan kam vaqt o‘tkazib, karyerasini hamma narsadan ustun qo‘yganlikda ayblay boshladi. Talab yo‘qligi tufayli Lou spirtli ichimliklar va uzoq davom etadigan depressiya bilan bog‘liq muammolarga duch kela boshladi. Natijada u muvaffaqiyatli rafiqasini boshqa ayolga o‘zgartirishga qaror qildi.
Mavzuga doir:
Izoh (0)