O‘zbekistonda 2021-yil 6 oyida har 100 ming aholi soniga nisbatan 132 ta jinoyat to‘g‘ri kelgan. Bu haqda AOKAda o‘tkazilgan matbuot anjumanida ichki ishlar vaziri o‘rinbosari Bekmurod Abdullayev ma’lum qildi.
Qayd etilishicha, 2021-yil 6 oyida 2017-yilning 6 oyiga nisbatan qariyb ikki baravar ko‘p (8592/15 321) jinoyatlar aniqlangan.
Xususan, 2021-yil 6 oyi yakuniga ko‘ra, respublikaning 9251 ta mahalladan 4559 tasida (49,3 foiz) birorta ham jinoyat sodir etilishiga yo‘l qo‘yilmadi.
O‘z navbatida, jami qayd etilgan 45 630 ta jinoyatning 15 881 tasi yoki 34,8 foizi avvalgi yillarda sodir etilib, 2021-yilda hisobga qo‘yilgan.
Shuningdek, 15 434 ta jinoyat (jami 45 630 tadan 33,8 foizi) xodimlarning tashabbusi bilan aniqlandi va shunday jinoyatlar soni 2020-yilning mos davriga nisbatan 71,4 foizga (9004 tadan 15 434 taga) yaxshilandi.
Shu jumladan, xodimlar tomonidan:
- 548 ta korrupsiyaviy, 99 ta odam savdosi va 322 ta kiberjinoyat fosh etildi, 368 kilogramm narkotik vositalari, 55 dona o‘qotar qurol va 212 dona o‘q-dorining noqonuniy aylanmasiga chek qo‘yildi;
- avvalgi yillarda ochilmasdan qolgan 3833 ta jinoyat fosh etildi, qidiruvdagi 1888 nafar shaxs ushlandi, bedarak yo‘qolgan 263 nafar shaxs topildi.
Izoh (0)