Arzimagan pul uchun rol o‘ynashga rozi bo‘lgan aktyorlar (foto)

Aktyorlarning hayoti ko‘pchilikka hashamatli tuyiladi. Darhaqiqat, ular mehnatlari uchun ajoyib haq oladi. Biroq ba’zida hatto yulduzlar ham juda o‘rtacha haq evaziga yoki tekinga ham suratga tushgan. Ba’zilarga yaxshi ssenariy yoki ajoyib jamoa ma’qul kelgan bo‘lsa, boshqalari keyinchalik millionlab dollarlik shartnomalar tuzish uchun noqulay shartlarga rozi bo‘lgan.

Jim Kerri – “Eys Ventura: uy hayvonlarini qidirish”

Agar Jim Kerri filmda bosh rolni o‘ynagan bo‘lsa, demak, tomoshabin bir-ikki soat zavq oladi. Avvaliga taniqli komediyachi juda kam haq to‘lashdan ham mamnun edi. “Eys Ventura: uy hayvonlarini qidirish” filmi uchun aktyor atigi 350 ming dollar olgan, lekin uning roli lentaga yaxshi daromad keltirgan, Kerrining o‘zi esa mashhurlikka erishgan.

Juliya Roberts – “Sirli pitssa”

“Sirli pitssa” afsonaviy “Chiroyli ayol”dan 2 yil oldin chiqarilgan (aytmoqchi, bu rol ham aktrisaga unchalik ko‘p pul olib kelmagan) va “Sirli pitssa” deb nomlangan qahvaxona ofitsiantlarining orzulari va hayoti haqida hikoya qiladi. Ushbu romantik komediyadagi ishtiroki uchun Roberts soha standartlari bo‘yicha 50 ming dollar olgan, bu kartina uchun aktrisa sariq sochlarini quyuq rangga bo‘yagan.

Jennifer Eniston – “Do‘stlar”

Jennifer Eniston bir necha bor eng ko‘p gonorar oladigan aktrisalar ro‘yxatida paydo bo‘lgan. U hatto Ginnesning rekordlar kitobiga kirdi, u “Do‘stlar” filmining so‘nggi mavsumidagi epizod uchun million dollar ishlab topdi. Birinchi mavsumda Eniston bunday ajoyib maosh bilan maqtana olmadi: chunki uning serialdagi daromadi 22,5 ming dollar edi.

Opra Uinfri – “Binafsha maydonidagi gullar”

Mashhur teleboshlovchi Opra Uinfri Stiven Spilbergning “Binafsha maydonidagi gullar” filmida telba uy bekasi Sofiya rolini o‘ynadi. Filmni suratga olish paytida Opra ishdan bo‘shatilishidan xavotirda edi, lekin film unga “Eng yaxshi ikkinchi darajali aktrisa” nominatsiyasida “Oskar” mukofotiga sazovor bo‘ldi va u atigi 35 ming dollar gonorar olgandi.

Gal Gadot – “Mo‘jiza ayol”

Isroillik model Gal Gadot 2009-yildan buyon filmlarda rol o‘ynaydi, ko‘pchilik uni “Mo‘jiza ayol” superqahramonidan biladi. Kassada blokbaster 800 million dollardan ko‘proq daromad oldi, biroq Gadot bosh roli uchun 300 ming dollar olgan.

Kris Evans – “Birinchi qasoskor”

Shunday qilib “Birinchi qasoskor” filmidagi bosh rol uchun Kris Evans Gal Gadot bilan bir xil daromad oldi: 300 ming dollar. “Birinchi qasoskor” filmining kassadagi muvaffaqiyatidan so‘ng aktyorning shartnomalaridagi summasi o‘sishni boshladi. Masalan, “Qasoskorlar: Yakun” filmidagi xuddi shu rol uchun Evans allaqachon 15 million dollar olgan.

Deyzi Ridli – “Yulduzlar jangi”

“Yulduzlar jangi” serialida ishtirok etgan Deyzi Ridli ham gonorarlardan qoniqmadi. To‘lov miqdori aniq ma’lum emas, lekin 100-300 ming dollar oralig‘ida.

Jon Boyega – “Yulduzlar jangi”

Jon Boyega xuddi shu gonorarni “Yulduzlar jangi” filmidagi ishi uchun olgan. Xuddi shu kartinadagi rol uchun ancha mashhur va tajribali aktyor Xarrison Fordga 10 milliondan 20 million dollargacha to‘langan.

Lindsi Loxan – “Kanyonlar”

2013-yilda Lindsi 6000 dollar evaziga “Kanyonlar” filmida rol o‘ynadi. Film 23 kunda suratga olingan. O‘sha yili Lohan “Qo‘rqinchli film”ning 5-qismidagi roli uchun 200 ming dollar olgan.

Keysi Afflek – “Dengiz bo‘yidagi Manchester”

Ben Afflekning ukasi 2016-yilda “Eng yaxshi aktyor” mukofotiga sazovor bo‘ldi. Mukofotni aktyorga “Dengiz bo‘yidagi Manchester” dramasi olib kelgan. Film ustida ishlagandan so‘ng, Afflek atigi 400 ming dollarga boyib ketdi. Kassada esa film 79 million dollar yig‘di va tanqidchilarning bahosiga sazovor bo'ldi.

Kerri Vashington – “Janjal”

Bir qarashda “Janjal” serialidagi epizod uchun Kerri Vashington ishining narxi unchalik past ko‘rinmaydi: bitta epizodda qatnashish aktrisaga 250 ming dollar keltirdi. Ya’ni aktrisa bir mavsum uchun 4,5 million dollar ishlab topdi.