Арзимаган пул учун роль ўйнашга рози бўлган актёрлар (фото)

Актёрларнинг ҳаёти кўпчиликка ҳашаматли туйилади. Дарҳақиқат, улар меҳнатлари учун ажойиб ҳақ олади. Бироқ баъзида ҳатто юлдузлар ҳам жуда ўртача ҳақ эвазига ёки текинга ҳам суратга тушган. Баъзиларга яхши сценарий ёки ажойиб жамоа маъқул келган бўлса, бошқалари кейинчалик миллионлаб долларлик шартномалар тузиш учун ноқулай шартларга рози бўлган.

Жим Керри – «Эйс Вентура: уй ҳайвонларини қидириш»

Агар Жим Керри фильмда бош ролни ўйнаган бўлса, демак, томошабин бир-икки соат завқ олади. Аввалига таниқли комедиячи жуда кам ҳақ тўлашдан ҳам мамнун эди. «Эйс Вентура: уй ҳайвонларини қидириш» фильми учун актёр атиги 350 минг доллар олган, лекин унинг роли лентага яхши даромад келтирган, Керрининг ўзи эса машҳурликка эришган.

Жулия Робертс – «Сирли пицца»

«Сирли пицца» афсонавий «Чиройли аёл»дан 2 йил олдин чиқарилган (айтмоқчи, бу роль ҳам актрисага унчалик кўп пул олиб келмаган) ва «Сирли пицца» деб номланган қаҳвахона официантларининг орзулари ва ҳаёти ҳақида ҳикоя қилади. Ушбу романтик комедиядаги иштироки учун Робертс соҳа стандартлари бўйича 50 минг доллар олган, бу картина учун актриса сариқ сочларини қуюқ рангга бўяган.

Женнифер Энистон – «Дўстлар»

Женнифер Энистон бир неча бор энг кўп гонорар оладиган актрисалар рўйхатида пайдо бўлган. У ҳатто Гиннеснинг рекордлар китобига кирди, у «Дўстлар» фильмининг сўнгги мавсумидаги эпизод учун миллион доллар ишлаб топди. Биринчи мавсумда Энистон бундай ажойиб маош билан мақтана олмади: чунки унинг сериалдаги даромади 22,5 минг доллар эди.

Опра Уинфри – «Бинафша майдонидаги гуллар»

Машҳур телебошловчи Опра Уинфри Стивен Спилбергнинг «Бинафша майдонидаги гуллар» фильмида телба уй бекаси София ролини ўйнади. Фильмни суратга олиш пайтида Опра ишдан бўшатилишидан хавотирда эди, лекин фильм унга «Энг яхши иккинчи даражали актриса» номинациясида «Оскар» мукофотига сазовор бўлди ва у атиги 35 минг доллар гонорар олганди.

Галь Гадот – «Мўъжиза аёл»

Исроиллик модель Галь Гадот 2009 йилдан буён фильмларда роль ўйнайди, кўпчилик уни «Мўъжиза аёл» суперқаҳрамонидан билади. Кассада блокбастер 800 миллион доллардан кўпроқ даромад олди, бироқ Гадот бош роли учун 300 минг доллар олган.

Крис Эванс – «Биринчи қасоскор»

Шундай қилиб «Биринчи қасоскор» фильмидаги бош роль учун Крис Эванс Гал Гадот билан бир хил даромад олди: 300 минг доллар. «Биринчи қасоскор» фильмининг кассадаги муваффақиятидан сўнг актёрнинг шартномаларидаги суммаси ўсишни бошлади. Масалан, «Қасоскорлар: Якун» фильмидаги худди шу роль учун Эванс аллақачон 15 миллион доллар олган.

Дейзи Ридли – «Юлдузлар жанги»

«Юлдузлар жанги» сериалида иштирок этган Дейзи Ридли ҳам гонорарлардан қониқмади. Тўлов миқдори аниқ маълум эмас, лекин 100-300 минг доллар оралиғида.

Жон Боега – «Юлдузлар жанги»

Жон Боега худди шу гонорарни «Юлдузлар жанги» фильмидаги иши учун олган. Худди шу картинадаги роль учун анча машҳур ва тажрибали актёр Харрисон Фордга 10 миллиондан 20 миллион долларгача тўланган.

Линдси Лохан – «Канёнлар»

2013 йилда Линдси 6000 доллар эвазига «Канёнлар» фильмида рол ўйнади. Фильм 23 кунда суратга олинган. Ўша йили Лоҳан «Қўрқинчли фильм»нинг 5-қисмидаги роли учун 200 минг доллар олган.

Кейси Аффлек – «Денгиз бўйидаги Манчестер»

Бен Аффлекнинг укаси 2016 йилда «Энг яхши актёр» мукофотига сазовор бўлди. Мукофотни актёрга «Денгиз бўйидаги Манчестер» драмаси олиб келган. Фильм устида ишлагандан сўнг, Аффлек атиги 400 минг долларга бойиб кетди. Кассада эса фильм 79 миллион доллар йиғди ва танқидчиларнинг баҳосига сазовор бўлди.

Керри Вашингтон – «Жанжал»

Бир қарашда «Жанжал» сериалидаги эпизод учун Керри Вашингтон ишининг нархи унчалик паст кўринмайди: битта эпизодда қатнашиш актрисага 250 минг доллар келтирди. Яъни актриса бир мавсум учун 4,5 миллион доллар ишлаб топди.