“Daryo”ni Telegram’da o‘qing! Join!
14:46, 29.07.2021 13659

Beyonse va Jay-Z’ning 2,4 millionlik uyida yong‘in sodir bo‘ldi

2021-yilning 21-iyul kuni Luiziana shtati, Yangi Orlean shahridagi Beyonse va uning turmush o‘rtog‘i Jay-Z’ga tegishli uyda yong‘in sodir bo‘ldi.

Foto: Hello

Ommaviy axborot vositalarining xabar berishicha, mahalliy yong‘in xavfsizligi punktiga bu haqdagi signal mahalliy vaqt bilan kechki soat 18:15 da yetib kelgan. Voqea joyiga zudlik bilan 22 nafar o‘t o‘chiruvchi yetib borganidan 2 soat o‘tib, yong‘inga barham berilgan. Ma’lum qilinishicha, binoga uncha ko‘p zarar yetmagan. O‘z vaqtida ogohlantirish bergan sifatli yong‘in signalizatsiyasi bu borada muhim rol o‘ynagan.

Foto: Hello

“Agar qutqaruvchilar o‘z vaqtida yetib kelmaganida hammasi boshqacha bo‘lishi mumkin edi. Bu tarixiy uy”, – degan o‘t o‘chirish xizmati xodimi.

Jarayonda jabr ko‘rganlar yo‘q. Yong‘in sabablari aniqlashtirilmoqda, lekin WGNO kanalida berilgan ma’lumotlarda o‘t chiqishidan avval uy hududida shubhali kimsa yurgani haqida anonim xabar kelib tushgani aytiladi.

Foto: Hello

Foto: Hello

Foto: Hello

Foto: Hello

1927-yilda Vestminster presviterian cherkovi uslubida qurilgan mazkur uy oltita yotoqxona, hovuz, lift va spa-salonini o‘z ichiga oladi. Maydoni 1,2 ming kvadrat metrni tashkil qiladigan turar joy taxminan 2,4 million dollarga baholanadi.

Foto: Hello

Foto: Hello

Mashhur juftlik asosiy vaqtini Los-Anjelesdagi 90 million dollarlik uyida o‘tkazadi.