2021-yil Devid Frankelning “Qattiqo‘l xonim” komedik dramasi o‘zining 15 yilligini nishonlamoqda. Mazkur kartina 2006-yil 30-iyunda AQShda namoyish etilgan. Yubiley filmning asosiy yulduzlari — Meril Strip, Enn Xeteuey, Emili Blant va Stenli Tuchchi uchrashuviga sabab bo‘ldi. Albatta, aktyorlar kartinaning davomini suratga olish uchun yig‘ilmaydi, deb yozadi Hello! nashri.
Aktyorlarning yana bir vaqtning o‘zida bir joyda bo‘lishiga sabab xayriya kimoshdi savdosi bo‘lib, unda har qanday inson Zoom orqali yulduzlar bilan muloqot qila oladi. Ya’ni, istagan kishi Gollivud aktyorlari — Meril Strip, Enn Xeteuey, Emili Blant va Stenli Tuchchi bilan qo‘ng‘iroqlashishi va o‘n daqiqa davomida hamma narsa haqida suhbatlashishi mumkin. Buning uchun allaqachon boshlangan va 3-avgustgacha CharityBuzz’da davom etadigan savdo yutuqlarini yutib olish kerak. Tushgan daromadni aktyorlar shifoxonadagi bolalarga yangi film va spektakllar namoyish etadigan “Lollipop Theater Network” tashkilotiga o‘tkazadi.
“Qattiqqo‘l xonim” kartinasi Amerikaning “Vogue” jurnali bosh muharririning sobiq yordamchisi Anna Vinturning “Loren Vaysberger” romani asosida yaratilgan. Meril Strip Miranda Pristli roli uchun “Oskar” va BAFTA mukofotiga nomzod bo‘lgan, ammo faqatgina “Oltin globus”ni olishga muvaffaq bo‘lgan. Shuningdek, film dunyo bo‘ylab 330 million dollar daromad yig‘gan.
Izoh (0)