Disney+ studiyasi ko‘pchilikning sevimli qahramoniga aylanib ulgurgan Chip va Deylning yangilangan versiyasini taqdim etdi. Ular “Chip va Deyl: bog‘dagi hayot” nomli yangi multserialda paydo bo‘ladi. Studiyaning YouTube’dagi kanalida animatsion filmning treyli ham namoyish etilgan, deb yozadi “Korrespondent.net”.
Yangilangan multserialning birinchi mavsumi 12 ta epizoddan iborat bo‘lib, ularning har biri uchtadan yetti daqiqali voqealarni o‘z ichiga oladi.
Sujet bo‘yicha olasichqonlar katta shahar bog‘idagi hayotga moslashishi va boshqa multfilmlarning qahramonlari — Mikki Mausning iti Pluto va “Tom va Jerri”dagi Spayk laqabli it bilan to‘qnashishi kerak. Gayka laqabli sichqon, kalamush Rokfor va pashsha Vjik rolikda namoyish etilmagan.
Yangi seriyalarda Chip va Deyl faqat mimika va qo‘l harakatlari bilan “muloqot qiladi”. Multserialga “Oggi va suvaraklar”dagi ishi bilan tanilgan Jan Keyrol rejissorlik qiladi, ijrosi prodyuser — Mark dyu Pontavik.
Avvalroq “Maxluqlar korporatsiyasi” multseriali davomi bo‘lgan yangi kartinaning birinchi tizeri namoyish etilgandi.
Izoh (0)