Qashqadaryo viloyati Koson tumanida xotinini uning ishxonasida pichoqlab o‘ldirgan 60 yoshli erkakka nisbatan jinoyat ishi qo‘zg‘atildi. Bu haqda viloyat IIB axborot xizmati xabar berdi.
Ma’lum qilinishicha, 10-iyul kuni soat 09:00 larda erkak turmush o‘trog‘i ishlaydigan shifoxonaga emlanish bahonasida kelgan. Hamshiralar erkakning shaxsiy kasallik kartasini qidirayotgan vaqtda u bino ichiga kirib ketgan.
Ichkariga kirgan er to‘g‘ri ayoli ishlab o‘tirgan xonaga borgan. Ayol eridan qochib, duch kelgan xonaga kirib ketgan, biroq erkak uning ortidan borib, yonida bo‘lgan pichoq bilan unga tan jarohatlari yetkazgan.
“Doim ichib kelib, janjal qiladi. Yasholmayman u bilan, deb aytardi. Xonaga kirsam, eri ustida pichoqlab yotgan, bosh shifokorimiz ajratib olayotgan ekan”, — deydi marhumaning hamkasblaridan biri.
Ma’lum bo‘lishicha, erkak bunga qadar uch marta uylangan va marhuma uning shar’iy nikohdagi to‘rtinchi xotini bo‘lgan.
Hozirda holat yuzasidan jinoyat ishi ochilib, tergov harakatlari olib borilmoqda.
Avvalroq Andijonda 25 yoshli ayol norasmiy erini bo‘g‘ib o‘ldirib, jasadni hojatxona chuquriga tashlab yuborgani, Toshkentda ayol mast holda shar’iy nikohdagi turmush o‘rtog‘ini pichoqlab o‘ldirgani to‘g‘risida xabar berilgandi.
Izoh (0)