O‘zbekiston musulmonlari idorasi ijtimoiy tarmoqlarda idora raisi, muftiy Usmonxon Alimovning salomatligi to‘g‘risida tarqalgan turli xabarlarga munosabat bildirdi.
Ma’lum qilinishicha, Usmonxon Alimov salomatligini yaxshilash uchun navbatdagi davolanish muolajalarini amalga oshirmoqda. Malakali tibbiyot mutaxassislari va shifokorlar tomonidan muftiyning sog‘lig‘i muntazam kuzatib borilmoqda hamda davolanish bosqichlari o‘tkazilmoqda. Ta’kidlanishicha, ayni paytda muftiy hazratlarining sihatlari barqaror.
“Odamlar orasida har xil asossiz va voqelikka to‘g‘ri kelmaydigan yolg‘on xabarlarni tarqatish muborak Islom dinimizda gunoh sanalishi, qonunchilikda esa javobgarlikka sabab bo‘lishini yana bir bor eslatamiz”, — deyiladi xabarda.
Eslatib o‘tamiz, 2019-yilning iyulida O‘zbekiston musulmonlari idorasi raisi, muftiy Usmonxon Alimovning ukasi Islomxon Alimov, dekabrida ukasi Sultonxon Alimov, 2020-yilning sentabrida esa yana bir ukasi Badriddinxon Alimov vafot etgan edi.
Izoh (0)