“Jenoa” klubi va O‘zbekiston terma jamoasi hujumchisi Eldor Shomurodov “Krasava” kanaliga bergan intervyusida yoshligida do‘konda ishlagani haqida gapirdi.
Ma’lum bo‘lishicha, Eldor Shomurodov yoshlik vaqtida Jarqo‘rg‘on dehqon bozoridagi do‘konda onasiga yordam bergan.
“Albatta, oldin kim bo‘lganimni unutib qo‘ymaslik uchun o‘sha kunlarni eslab turaman.
Hozir bu do‘kon bizga tegishli emas. Yaxshi pul topa boshlaganimdan keyin tabiiyki ota-onamdan ishlashni to‘xtashlarini so‘radim. Men yaxshi pul topaman, ular yaxshi yashashini xohlayman. Ular nega ishlasin, o‘z vaqtida mehnat qilishgan, endi dam olishsin”, — deydi Shomurodov.
Shundan keyin Shomurodov va “Krasava” kanali muallifi Yevgeniy Savin bilan yuk tashuvchi motorollerlarda poyga o‘ynadi. Unda Shomurodov o‘tirgan motoroller g‘olib bo‘ldi.
Eldor Shomurodov 1995-yilning 29-iyunida Surxondaryo viloyatining Jarqo‘rg‘on tumanida tug‘ilgan. Eldor “Mash’al” akademiyasi tarbiyalanuvchisi hisoblanib, 2006—2014-yillar mobaynida muborakliklar tizimida harakat qilgan. U shuningdek, “Bunyodkor” (2014—2017) va “Rostov” (2017—2020) sharafini himoya qilgan qilgan. Hozirda faoliyatini Italiyaning “Jenoa” jamoasida davom ettirmoqda.
Mavzuga doir:
Izoh (0)