Элдор Шомуродов юк ташувчи мотороллерда россиялик блогер билан пойга ўйнади (видео)

«Женоа» клуби ва Ўзбекистон терма жамоаси ҳужумчиси Элдор Шомуродов «Красава» каналига берган интервьюсида ёшлигида дўконда ишлагани ҳақида гапирди.

Маълум бўлишича, Элдор Шомуродов ёшлик вақтида Жарқўрғон деҳқон бозоридаги дўконда онасига ёрдам берган.

«Албатта, олдин ким бўлганимни унутиб қўймаслик учун ўша кунларни эслаб тураман.

Ҳозир бу дўкон бизга тегишли эмас. Яхши пул топа бошлаганимдан кейин табиийки ота-онамдан ишлашни тўхташларини сўрадим. Мен яхши пул топаман, улар яхши яшашини хоҳлайман. Улар нега ишласин, ўз вақтида меҳнат қилишган, энди дам олишсин», — дейди Шомуродов.

Шундан кейин Шомуродов ва «Красава» канали муаллифи Евгений Савин билан юк ташувчи мотороллерларда пойга ўйнади. Унда Шомуродов ўтирган мотороллер ғолиб бўлди.

Элдор Шомуродов 1995 йилнинг 29 июнида Сурхондарё вилоятининг Жарқўрғон туманида туғилган. Элдор «Машъал» академияси тарбияланувчиси ҳисобланиб, 2006—2014 йиллар мобайнида муборакликлар тизимида ҳаракат қилган. У шунингдек, «Бунёдкор» (2014—2017) ва «Ростов» (2017—2020) шарафини ҳимоя қилган қилган. Ҳозирда фаолиятини Италиянинг «Женоа» жамоасида давом эттирмоқда.