Голливуд юлдузлари — Жулия Робертс, Анжелина Жоли ва бошқаларнинг қизлари қандай кўринишга эга (фото)

Киносаноатда нафақат ижро маҳорати балки такрорланмас гўзалликка эга бўлган мафтункор актрисаларнинг қизлари ҳам соҳибжамолликда ўзларидан қолишмайди.

Ума Турманнинг қизлари — Майа Хоук ва Розалинд Бюссон

Актриса Ума Турман уч маротаба оила қурган, биринчи турмуши Гери Олдмендан фарзандли бўлмаган. Иккинчи марта Итан Хоукка турмушга чиққан ва Майа ва Левон исмли фарзандларни дунёга келтирган.

Арпад Брюсс билан турмуши давомида эса Розалинд исмли қизи туғилган. У фарзандлари, хусусан, унинг изидан кетган катта қизи билан фахрланади. Қадди-қомати келишган ва соҳибжамол Майа актриса сифатида онаси сингари киносаноатда ўз ўрнини топишни истайди.

Жулия Робертснинг қизи — Хейзел Модер

Биринчи турмуши Лайл Ловеттдан ўз бахтини топа олмаган актриса иккинчи марта кинооператор Дэниэл Модер билан оила қурган ва эгизак фарзандлар — Хейзел Патриша Финнеас Уолтерни дунёга келтирган.

Орадан уч йил ўтиб ўғли Генри Дэниэл туғилган. Жулиянинг мухлислари қизига хушомад қилишдан чарчамайди. Гўзал қизга ўзини мода саноатида синаб кўриш тавсия қилинади.

Анжелина Жолининг қизлари

Голливуд юлдузининг уч нафар қиз ва уч нафар ўғли бор. Меддокс, Пакс ва Захарани болалар уйидан асраб олган актриса Шайлони Бред Питт билан турмуши давомида дунёга келтирган. Орадан икки йил ўтиб эгизаклар Вивен ва Нокс туғилган. Мухлислар жуфтликнинг кенжа қизини худди ўзига қуйиб қўйгандек ўхшашини айтади.

Юз тузилиши, мовий кўзлари ва сочларининг очлиги ҳам Жоли, ҳам Бредга ўхшаб кетади.

Риз Уизерспуннинг қизи —Ава Филлипп

Актрисанинг уч нафар фарзанди бор. Тўнғич фарзанди Ава Элизабет ва ўғли Дикон Райан Филипп билан турмуши давомида, Теннисини эса ҳозирги умр йўлдоши Жим Тота билан турмуши давомида дунёга келтирган.

Қизи Ава онасига шунчалик ўхшаганидан мухлислар аксарият ҳолларда уни Риз билан адаштиради. Мовий кўзлари, узун малла сочлари ва ёқимли табассуми худди онасига ўхшайди.

Гвинет Пелтроунинг қизи — Эппл Мартин

Гвинет Coldplay гуруҳи мусиқачиси Крис Мартин билан турмуши давомида Эппл ва Мозес Брюсни дунёга келтирган. Туғруқдан кейин депрессияга тушган Гвинет 10 йиллик турмуш ўртоғи билан ажрашиб, дўст бўлиб қолишни афзал билган. Иккинчи марта умр йўлдош сифатида продюсер Бред Фелчакни танлаган.

Қизи Эпплнинг ташқи кўриниши ҳам онасига ўхшайди. Кўзларининг мовийлиги, сочларининг текислиги ва ҳатто сепкиллари ҳам онасидан ўтган.