Sovet kinolari orasida ilk “Oskar” olgan, katta ekranlarga chiqqanidayoq 90 million tomoshabin ko‘nglini birdan zabt etib, xorij o‘lkalarda minglab muxlislarini topgan “Moskva ko‘zyoshlarga ishonmaydi” filmi rejissor Vladimir Menshovga o‘zi kutganidan ziyoda shon-sharaf, shuhrat va muvaffaqiyat keltirdi. Avvaliga yengil-yelpi kino deya tanqid qilingan film vaqt o‘tib o‘ndan ortiq mukofotlarga loyiq topildi. Uch dugona esa sevimli qahramonlarga aylandi. Oradan 42 yil o‘tsa-da yengil kulgiga o‘ralib hikoya qilingan achchiq taqdirlar qayta-qayta ko‘rilmoqda. “Daryo” qadrdon kinoni takroran yodga solib, qahramonlar nutqidan yodda qolgulik parchalarni taqdim etadi.
Ma’lumot uchun: Vladimir Menshov va film ijodkorlari “Oskar” mukofotining taqdirlash marosimida qatnasha olmagan. Rejissor o‘sha paytlari (1980-yillar) xorijga “chiqolmaydigan” va Amerikaga bora olmaydigan “holat”da bo‘lgani uchun uning o‘rniga oltin statuetkani SSSRning madaniyat masalalari bo‘yicha AQSHdagi attashesi qabul qiladi. Mukofot uzoq yillar “Goskino”da saqlanib, oxiri 1989-yili o‘z egasiga topshiriladi.
Izoh (0)