Совет кинолари орасида илк «Оскар» олган, катта экранларга чиққанидаёқ 90 миллион томошабин кўнглини бирдан забт этиб, хориж ўлкаларда минглаб мухлисларини топган «Москва кўзёшларга ишонмайди» фильми режиссёр Владимир Меншовга ўзи кутганидан зиёда шон-шараф, шуҳрат ва муваффақият келтирди. Аввалига енгил-елпи кино дея танқид қилинган фильм вақт ўтиб ўндан ортиқ мукофотларга лойиқ топилди. Уч дугона эса севимли қаҳрамонларга айланди. Орадан 42 йил ўтса-да енгил кулгига ўралиб ҳикоя қилинган аччиқ тақдирлар қайта-қайта кўрилмоқда. «Дарё» қадрдон кинони такроран ёдга солиб, қаҳрамонлар нутқидан ёдда қолгулик парчаларни тақдим этади.
Маълумот учун: Владимир Меншов ва фильм ижодкорлари «Оскар» мукофотининг тақдирлаш маросимида қатнаша олмаган. Режиссёр ўша пайтлари (1980 йиллар) хорижга «чиқолмайдиган» ва Америкага бора олмайдиган «ҳолат»да бўлгани учун унинг ўрнига олтин статуэткани СССРнинг маданият масалалари бўйича АҚШдаги атташеси қабул қилади. Мукофот узоқ йиллар «Госкино»да сақланиб, охири 1989 йили ўз эгасига топширилади.
Изоҳ (0)