Beeline Uzbekistan natijalarni sarhisob qildi va “Zo‘r Dance — Beeline Challenge” tanlovi g‘oliblariga sovg‘alarni topshirdi.
Tanlov kompaniyaning rasmiy TikTok sahifasida boshlangan. Unda ishtirok etish uchun “Zo‘r” qo‘shig‘iga kreativ, raqsbop video suratga olish va #beelinechallenge heshtegidan foydalanib, uni TikTok’dagi shaxsiy sahifasiga joylashtirish kerak edi. Layklar va ko‘rishlar bo‘yicha Top-200 eng yaxshi videolar orasidan 45 ta g‘olib uchun Huawei’dan o‘nlab ajoyib va har doim kerakli devayslar tayyorlandi. Ikki hafta davomida tanlovda O‘zbekistonning turli hududlaridan 400 ga yaqin ishtirokchi TikTok’dagi ijodiy va qiziqarli videolari bilan qatnashishdi. Shulardan 45 nafar ishtirokchi TikTok va Facebook’dagi Beeline Uzbekistan rasmiy sahifalarida, tasodifiy raqamlar generatori yordamida tanlab olindi.
“Bu qiyin, ammo juda qiziqarli jarayon edi. Biz Huawei bilan birgalikda amalga oshirgan, bu turdagi birinchi yirik loyihamiz. Doimiy qo‘llab-quvvatlash va samarali hamkorlik uchun bu kompaniyaga o‘z minnatdorchiligimni bildirmoqchiman. Biz tanlovga anchadan beri tayyorgarlik ko‘rganmiz va natijalardan mamnunmiz. Videolar antiqa edi va ularning ko‘pchiligida yoshlar chindan ham harakat qilgani sezilib turardi. Rostini aytsam, bunday qiziqish va shuncha iqtidorli videolar bo‘ladi deb kutmagan edik. Loyihaning muvaffaqiyati raqamlar bilan tasdiqlanadi — “Zo‘r Dance” tanlovi davomida #beelinechallenge heshtegi deyarli 25 million marta ko‘rilgan. Bu reytingning juda yaxshi ko‘rsatkichidir. Ajratilgan vaqt va e’tibor uchun barcha ishtirokchilarga tashakkur bildiramiz! Ishonchim komilki, bunday tanlovlar va sovg‘alar har bir g‘olib uchun yaxshi motivatsiya, yangi yutuq va g‘alabalarga intilish bo‘ladi” — deb izohlaydi Beeline Uzbekistan’ning marketing bo‘yicha v.b. direktori Abdulaziz Mansurov.
Tanlov natijalarini sarhisob qilib va Huawei’ning zamonaviy gadjetlari bilan taqdirlash uchun g‘oliblar kompaniyaning Toshkentdagi bosh ofisiga taklif qilindi. Tanlovga yuborilgan eng yaxshi videolar mehmonlarga namoyish etildi. Spikerlarning ta’kidlashicha, bunday tanlovlarni o‘tkazish o‘zini namoyish etish uchun, shuningdek, yoshlar bilan tanishish, yangi tiktokerlarni qo‘llab-quvvatlash va rag‘batlantirish uchun ajoyib imkoniyatdir.
“Huawei nomidan g‘oliblar va ishtirokchilarni “Zo‘r Dance — Beeline Challenge” loyihasining muvaffaqiyatli yakunlanishi bilan tabriklayman. Beeline Uzbekistan yosh iste’dodlarning o‘z ijodiy g‘oyalarini ifoda etish va ularni rivojlantirish uchun raqamli dasturlar, mobil aloqa imkoniyatlaridan foydalanish qanday foydali bo‘lishi mumkinligini ko‘rsatadigan, ajoyib platformani yaratdi. Biz ushbu loyihani qo‘llab-quvvatlaganimizdan xursandmiz va O‘zbekistonning AKT infratuzilmasini mustahkamlash bo‘yicha kelgusidagi hamkorlikka umid qilamiz”, — dedi Huawei kompaniyasining O‘zbekistondagi direktori o‘rinbosari Chju Szunlyan.
Uzoq kutilgan tantanali lahzalar, bayramona muhitda qimmatbaho sovg‘alar taqdim etildi.
- 15 ta 1-o‘rin egalariga Huawei P40 smartfoni va Huawei MediaPad T10 plansheti sovg‘a qilindi;
- 2-o‘rinni egallagan 15 nafar g‘oliblarga Huawei P40 Lite smartfoni va Huawei GT2 “aqlli” soati topshirildi;
- 3-o‘rinning 15 ta egasiga Huawei P40 Lite smartfoni nasib etdi.
1-o‘rin sohiblaridan biri Dilshoda Rustamjonova:
“Bu qiziqarli va juda muvaffaqiyatli tanlov bo‘ldi. Unda ishtirok etish menga yoqdi. G‘oliblar qatoridan joy olaman deb kutmagan edim, lekin umid qilganman, albatta. Bunday yaxshi va zavqli chellenj uchun Beeline’ga rahmat. Sizga kelajakda muvaffaqiyatlar tilayman va bunday tanlovlar yanada ko‘proq bo‘lishini istayman”.
2-o‘rin sohiblaridan biri O‘lmas Mirzayev:
“Musobaqa umuman ajoyib tarzda o‘tdi. Videoni suratga olish oson kechdi, chunki qiyin shartlar bo‘lmagan. Men 1-o‘ringa loyiq ko‘plab videolarni ko‘rdim. G‘alabamga ishondim va bu sodir bo‘ldi. Taqdirlash marosimi butun tadbirning eng yaxshi qismlaridan biri. U barchani birlashtirdi va yangi tanishuvlar uchun imkoniyat bo‘ldi. Hammasi saviyada o‘tdi. Aytgancha, men ilgari Beeline haqida ko‘p bilmas edim, ammo tanlovdan so‘ng kompaniyaning abonenti bo‘lishga qaror qildim. Internet cheklanishlarsiz ishlaydi va menga “Qadamlar uchun Giglar” aksiyasi juda yoqadi”.
3-o‘rin egalaridan biri Kim Aleksandra:
“Menga ham Beeline’dan tanlov juda yoqdi! Unda qatnashish qiziq bo‘ldi. TikTok’da raqs videosini suratga olishda opam yordam berdi, bu oson va qiziqarli bo‘ldi. G‘oliblar ro‘yxatida o‘zimni ko‘rganimdan hayratlandim va xursand bo‘ldim. Men shunchaki yangi telefon haqida orzu qilardim va Beeline mening orzuimni amalga oshirdi. Bunday ajoyib tanlov va super sovrinlar uchun tashkilotchilarga rahmat! Beeline va Huawei kompaniyalariga farovonlik va muvaffaqiyatlar tilayman”.
Hozirgi kunda Beeline Uzbekistan yangi qiziqarli kreativ loyihalarni amalga oshirish va ishga tushirish bo‘yicha qizg‘in ishlar olib bormoqda. Yangiliklarni kuzatib boring!
“Unitel” MChJ 2006-yil 12-sentabrdan boshlab, Beeline Uzbekistan savdo belgisi ostida xizmat ko‘rsatib kelmoqda. Beeline Uzbekistan – bosh qarorgohi Amsterdamda (Gollandiya) joylashgan Veon xalqaro telekommunikatsiya xoldingi tarkibiga kiradi.
Veon – bu 9 ta mamlakatda 213 milliondan ortiq abonentga ega, global telekommunikatsiya va internet xizmatlarini yetkazib beruvchi kompaniya. Uning aksiyalari Nasdaq va Euronext Amsterdam fond bozorlarida ro‘yxatga olingan.
Beeline Uzbekistan’da 1,6 mingdan ortiq xodim faoliyat yuritadi. 2006-yildan boshlab, O‘zbekiston bozoriga kirganidan beri, Veon mamlakat telekommunikatsiya sanoatiga 1,2 milliard dollardan ortiq mablag‘ kiritdi.
Beeline savdo belgisi O‘zbekistondagi faoliyati davomida 1,9 milliard dollardan ortiq miqdorda soliq to‘lagan.
Sayt: beeline.uz
Facebook: fb.com/beeline.uz
Instagram: beeline_uzbekistan
Telegram: t.me/uzbeelineuzb
Twitter: twitter.com/beeline_uz
LinkedIn: linkedin.com/company/beeline-uzbekistan
Reklama huquqi asosida.
Izoh (0)