Futbol bo‘yicha Yevro—2020 1/8 finalida Xorvatiya va Ispaniya terma jamoalari 28-iyun, dushanba kuni o‘zaro to‘qnash keldi.
Uchrashuvning 20-daqiqasida ispanlar o‘z darvozasidan to‘p olib chiqdi: Pedrining uzatmasidan keyin darvozabon Unasi Simon to‘pni to‘xtatishda xatoga yo‘l qo‘ydi. 38-daqiqa Pablo Sarabiya muvozanatni tikladi.
57-daqiqada Sesar Aspilikueta ispanlarni oldinga olib chiqdi. 76-daqiqada Ferran Torres “qizil furiya”ning uchinchi golini urdi. O‘yin yakunlanishi arafasida Xorvatiya vaziyatni o‘ngladi: 85-daqiqada Mislav Orshich hisobni qisqartirgan bo‘lsa, hakam tomonidan qo‘shib berilgan vaqtda Mario Pashalich hisobni tenglashtirdi.
Biroq qo‘shimcha bo‘limlarda Luis Enrike shogirdlari xorvatlarga imkon qoldirmadi. 100-daqiqada Alvaro Morata o‘z hisobiga gol yozdirib qo‘ygan bo‘lsa, oradan uch daqiqa o‘tib Mikel Oyarsabal yakuniy hisobni o‘rnatdi — 3:5.
Ushbu g‘alabadan keyin Ispaniya chorak finalga yo‘l oldi va u yerda Fransiya — Shveysariya uchrashuvi g‘olibi bilan o‘ynaydi.
Yevro—2020
1/8 final bahsi
28-iyun, dushanba
Xorvatiya — Ispaniya 3:5
Gollar: 1:0 – 20, avtogol Pedri, 1:1 – 38 Sarabiya, 1:2 – 57 Aspilikueta, 1:3 – 76 Ferran Torres , 2:3 – 85 Orshich, 3:3 – 90+3 Pashalich, 3:4 – 100 Morata, 3:5 – 103 Oyarsabal.Xorvatiya: Livakovich, Chaleta-Sar, Gvardiol, Yuranovich (Brekalo, 74), Vida, Kovachich (Budimir, 79), Modrich, Vlashich (Pashalich, 79), Brozovich, Rebich (Orshich, 67), Petkovich (Kramarich, 46).
Ispaniya: Unai Simon, Gayya (Alba, 78), Aspilikueta, Lyaport, Erik Garsiya (Pau Torres, 72), Sarabiya (Olmo, 72), Koke (Fabian Ruis, 78), Pedri, Buskets (Rodri, 102), Ferran Torres (Oyarsabal, 88), Morata.
Ogohlantirishlar: Brozovich (73), Chaleta-Sar (83).
Izoh (0)