Футбол бўйича Евро—2020 1/8 финалида Хорватия ва Испания терма жамоалари 28 июнь, душанба куни ўзаро тўқнаш келди.
Учрашувнинг 20-дақиқасида испанлар ўз дарвозасидан тўп олиб чиқди: Педрининг узатмасидан кейин дарвозабон Унаси Симон тўпни тўхтатишда хатога йўл қўйди. 38-дақиқа Пабло Сарабия мувозанатни тиклади.
57-дақиқада Сесар Аспиликуэта испанларни олдинга олиб чиқди. 76-дақиқада Ферран Торрес «қизил фурия»нинг учинчи голини урди. Ўйин якунланиши арафасида Хорватия вазиятни ўнглади: 85-дақиқада Мислав Оршич ҳисобни қисқартирган бўлса, ҳакам томонидан қўшиб берилган вақтда Марио Пашалич ҳисобни тенглаштирди.
Бироқ қўшимча бўлимларда Луис Энрике шогирдлари хорватларга имкон қолдирмади. 100-дақиқада Альваро Мората ўз ҳисобига гол ёздириб қўйган бўлса, орадан уч дақиқа ўтиб Микель Ойарсабаль якуний ҳисобни ўрнатди — 3:5.
Ушбу ғалабадан кейин Испания чорак финалга йўл олди ва у ерда Франция — Швейцария учрашуви ғолиби билан ўйнайди.
Евро—2020
1/8 финал баҳси
28 июнь, душанба
Хорватия — Испания 3:5
Голлар: 1:0 – 20, автогол Педри, 1:1 – 38 Сарабия, 1:2 – 57 Аспиликуэта, 1:3 – 76 Ферран Торрес , 2:3 – 85 Оршич, 3:3 – 90+3 Пашалич, 3:4 – 100 Мората, 3:5 – 103 Ойарсабаль.Хорватия: Ливакович, Чалета-Цар, Гвардиол, Юранович (Брекало, 74), Вида, Ковачич (Будимир, 79), Модрич, Влашич (Пашалич, 79), Брозович, Ребич (Оршич, 67), Петкович (Крамарич, 46).
Испания: Унаи Симон, Гайя (Альба, 78), Аспиликуэта, Ляпорт, Эрик Гарсия (Пау Торрес, 72), Сарабия (Олмо, 72), Коке (Фабиан Руис, 78), Педри, Бускетс (Родри, 102), Ферран Торрес (Ойарсабаль, 88), Мората.
Огоҳлантиришлар: Брозович (73), Чалета-Цар (83).
Изоҳ (0)