Yevro—2020. Belgiya terma jamoasi Portugaliyani bazo‘r yengib, chorak finalga chiqdi
Futbol bo‘yicha Yevro—2020 musobaqasining 1/8 finalida Belgiya va Portugaliya terma jamoalari 27-iyun kuni o‘zaro to‘qnash keldi.
Uchrashuvning 42-daqiqasida Torgan Azar jarima maydoni tashqarisidan kuchli zarba yo‘llab, belgiyaliklarni oldinga olib chiqdi. Ikkinchi bo‘limda portugallar katta ustunlikka ega bo‘ldi, biroq Belgiya vakillari himoyada ishonchli harakat qildi.
Shu tariqa Belgiya terma jamoasi keyingi bosqichga yo‘l oldi va chorak finalda Italiyaga qarshi o‘ynaydi. Amaldagi chempion Portugaliya esa musobaqa bilan xayrlashdi.
Yevro—2020
1/8 final bahsi
27-iyun, yakshanba
Belgiya — Portugaliya 1:0
Gollar: 1:0 – 42 Torgan Azar.Belgiya: Kurtua, Alderveyreld, Vertongen, Vermalen, Menye, Torgan Azar, Tilemans, Eden Azar (Karrasko, 87), Vitsel, de Bryuyne (Mertens, 48), Lukaku.
Portugaliya: Ruy Patrisiu, Pepe, Diogu Dalot, Ruben Diash, Gerreyru, Palinya (Danilu Pereyra, 78), Moutinyu (Joau Feliks, 56), Bernardu Silva (Brunu Fernandesh, 56), Sanshesh (Serjiu Oliveyra, 78), Diogu Jota (Andre Silva, 70), Ronaldu.
Ogohlantirishlar: Palinya (45), Diogu Dalot (51), Vermalen (72), Pepe (77), Alderveyreld (81).
