Toshkent—Hojikent poyezdlarining 23-iyungi 2 ta reysi bekor qilinadi

Toshkent—Hojikent—Toshkent shaharlararo yo‘lovchi poyezdlarining 2 ta reysi bir kunga bekor qilinadi. Bu haqda Transport vazirligi matbuot xizmati xabar berdi.

Ma’lum qilinishicha, “Toshkent mintaqaviy temiryo‘l uzeli” UKga qarashli Qodiriya—Oqqovoq bekatlari oralig‘ining 21-kilometridan 22-kilometrigacha bo‘lgan temiryo‘lda kapital ta’mirlash ishlari amalga oshiriladi.

Shu sababli Hojikent—Toshkent yo‘nalishida 23-iyun kuni soat 07:10 da va 10:10 da harakatlanadigan shaharlararo yo‘lovchi poyezdlar qatnovi bekor qilinadi.

Shu kuni soat ushbu yo‘nalishning 14:06, 16:42, 17:31 hamda 19:13 dagi qatnovi shaharlararo yo‘lovchi poyezdlari harakat jadvali bo‘yicha amalga oshiradi.

Eslatib o‘tamiz, 1-iyun kuni Toshkent—Hojikent poyezdlarining 4 ta reysi bekor qilingandi. 10-iyun kuni esa ushbu yo‘nalishida harakatlanayotgan poyezd elektrodvigateldan tutun chiqqani sabab to‘xtatilgandi.