Тошкент—Ҳожикент—Тошкент шаҳарлараро йўловчи поездларининг 2 та рейси бир кунга бекор қилинади. Бу ҳақда Транспорт вазирлиги матбуот хизмати хабар берди.
Маълум қилинишича, «Тошкент минтақавий темир йўл узели» УКга қарашли Қодирия—Оққовоқ бекатлари оралиғининг 21-километридан 22-километригача бўлган темир йўлда капитал таъмирлаш ишлари амалга оширилади.
Шу сабабли Ҳожикент—Тошкент йўналишида 23 июнь куни соат 07:10 да ва 10:10 да ҳаракатланадиган шаҳарлараро йўловчи поездлар қатнови бекор қилинади.
Шу куни соат ушбу йўналишнинг 14:06, 16:42, 17:31 ҳамда 19:13 даги қатнови шаҳарлараро йўловчи поездлари ҳаракат жадвали бўйича амалга оширади.
Эслатиб ўтамиз, 1 июнь куни Тошкент—Ҳожикент поездларининг 4 та рейси бекор қилинганди. 10 июнь куни эса ушбу йўналишида ҳаракатланаётган поезд электродвигателдан тутун чиққани сабаб тўхтатилганди.
Изоҳ (0)