13-iyun kuni Qashqadaryo viloyati G‘uzor tumanida sodir bo‘lgan yo‘l-transport hodisasi oqibatida ikki kishi halok bo‘ldi. Bu haqda viloyati IIB matbuot xizmati xabar berdi.
Ma’lum qilinishicha, yo‘lning chap tomonidan o‘ng tomoniga qarab kesib o‘tayotgan piyodalarni urib yubormaslik uchun Nexia haydovchisi rulni keskin o‘ng tomonga burishi oqibatida avtomobil chuqurlikka ag‘darilib tushgan.
Biroq uning ortidan harakatlanib kelayotgan boshqa bir Nexia piyodalarni urib yuborgan. Jabrlanuvchilar olgan tan jarohatlari oqibatida voqea joyida vafot etgan.
Hozirda holat yuzasidan Qashqadaryo viloyati IIB Tergov boshqarmasi tomonidan dastlabki tergov harakatlari olib borilmoqda.
Avvalroq Surxondaryoda tezlikni me’yoridan oshirgan Nexia piyodani urib yuborgani, Yangiyo‘lda yo‘lning qatnov qismiga yotib olgan piyodani bosib ketib, voqea joyidan yashiringan Nexia haydovchisi qo‘lga olingani to‘g‘risida xabar berilgandi.
Izoh (0)