Rossiya Federal bojxona xizmati O‘zbekiston Davlat bojxona qo‘mitasiga XIII–XIX asrlarga oid 29 ta kitob va 16 ta sopol buyumni topshirdi. Bu haqda Rossiya Federal bojxona xizmati xabar bermoqda.
Ma’lumotlarga ko‘ra, marosim 21-iyun kuni Moskvada noqonuniy olib kirilgan madaniy boyliklarni aniqlash va qaytarish bo‘yicha hamkorlik to‘g‘risidagi bitimga muvofiq bo‘lib o‘tdi.
Qimmatbaho buyumlarni O‘zbekistondan Rossiyaga olib kirish Qrim bojxonasi xodimlari va Rossiya xavfsizlik xizmati xodimlari tomonidan to‘xtatilgan. Jinoyat Qrimda yashovchi shaxs tomonidan sodir etilgan. U ikki yillik shartli qamoq jazosiga hukm qilindi.
Qo‘lyozma kitoblar, arab, fors va turkiy tillardagi diniy matnlar to‘plami, shuningdek, fors hamda turkiy tillardagi she’rlar XIX asr O‘rta Osiyo yozma madaniyati uchun xosdir.
Keramika buyumlari – ko‘zalar, kosa, xumlar esa O‘rta asrlardagi Samarqand kulolchilik ustaxonalari mahsulotidir.
Bundan avval Toshkentda Nikolay II davriga tegishli tangalarning olib chiqib ketilishining oldi olingani haqida xabar berilgandi.
Izoh (0)