O‘zbekiston Prezidenti Shavkat Mirziyoyev 22-iyun kuni Barqaror rivojlanish maqsadlarini amalga oshirishda global parlamentlararo hamkorlik xalqaro forumida ishtirok etish uchun mamlakatda bo‘lib turgan Parlamentlararo ittifoq bosh kotibi Martin Chungongni qabul qildi.
Mamlakatning ushbu nufuzli xalqaro tashkilot bilan sherikligini yanada kengaytirish masalalari ko‘rib chiqildi.
Davlat rahbari ijtimoiy-iqtisodiy islohotlarni ilgari surish va demokratik islohotlarni chuqurlashtirish, inson huquqlarini himoya qilish va gender tenglikni ta’minlash, yoshlarni qo‘llab-quvvatlash kabi ustuvor yo‘nalishlarda konstruktiv muloqotni davom ettirish va yaqin hamkorlikni rivojlantirish muhimligini ta’kidladi.
O‘zbekiston ittifoq ishidagi ishtirokini 2017-yilda qayta tiklagani va bugungi kunda uning ijroiya tuzilmalarida to‘laqonli qatnashayotganini ta’kidlash joiz. 2021-yil Oliy Majlis tomonidan Parlamentlararo ittifoq bilan ko‘p qirrali munosabatlarni mustahkamlash to‘g‘risida alohida hujjat qabul qilindi.
O‘z navbatida, bosh kotib Martin Chungong mamlakatda parlamentarizmni rivojlantirishdagi sezilarli yutuqlarni qayd etdi hamda O‘zbekistonning bu boradagi global tashabbuslarini yuqori baholadi va qo‘llab-quvvatladi.
Ilg‘or xorijiy tajribani keng almashish va ko‘p tomonlama hamkorlikning katta salohiyatini ro‘yobga chiqarish maqsadida qator xalqaro tadbirlarni birgalikda tayyorlash va o‘tkazish yuzasidan kelishuvga erishildi.
Bundan avval Shavkat Mirziyoyev Shavkat Mirziyoyev Ibrohim Raisiyni Eron prezidenti etib saylangani bilan tabriklagani, Tatariston prezidenti Rustam Minnixanovni qabul qilgani hamda BAA hukumat ishlari bo‘yicha vaziri boshchiligidagi delegatsiyani qabul qilgani haqida xabar berilgandi.
Izoh (0)