Сирдарё вилояти Гулистон шаҳрида жамоат жойида фуқароларнинг тинчлигини бузган шахсга нисбатан чора кўрилди, дея хабар қилмоқда вилоят ИИБ матбуот хизмати.
Қайд этилишича, 2021 йилнинг 17 июнь куни соат 23:00 ларда Д. исмли шахс спиртли ичимликни истеъмол қилиб, жамоат жойида турли уятли сўзлар билан сўкиниб, атрофда яшовчи фуқароларнинг тинчлигини бузиб юрган.
Шу вақтда ҳудудда тунги хизмат олиб бораётган Гулистон шаҳар ИИО ФМБ 1-сон маҳалла ИИБ ходимлари ушбу шахсни тинчлантириш, ҳуқуқбузарлигига чек қўйиш, шахсига аниқлик киритиш ҳамда тегишли ҳужжатларни расмийлаштириш мақсадида ҳуқуқ-тартибот масканига боришлари тўғрисида таклиф қилган.
Аммо Д. маст ҳолатда ходимларнинг қонуний талабларига бўйсунмай, фаол қаршилик кўрсатган.
Ушбу ҳолат Сирдарё вилояти ИИБ масъул ходимлари томонидан назоратга олиниб, Д. исмли шахснинг нисбатан Маъмурий жавобгарлик тўғрисидаги кодекснинг 183-моддаси (майда безорилик) ва 194-моддаси 1-қисмига (ички ишлар органлари ходимининг қонуний талабларини бажармаслик) асосан ҳужжатлар расмийлаштирилиб, тўпланган ҳужжатларни кўриб чиқиш учун Жиноят ишлари бўйича Гулистон шаҳар судига юборилган.
ЖИБ Гулистон шаҳар суди томонидан 2021 йил 18 июнь кунги онлайн тарзда ўтказилган суд қарорига кўра, ҳуқуқбузар Д. Маъмурий жавобгарлик тўғрисидаги кодекснинг 183-моддаси ва 194-моддаси 1-қисми билан айбдор деб топилиб, унга нисбатан 5 (беш) сутка маъмурий қамоқ жазоси тайинланди.
Бундан аввал Тошкентда таэквондо бўйича Ўзбекистон термаси мураббийи Жанубий Корея фуқароси томонидан пичоқлаб ўлдирилгани, Наманганда ҳокимлик биноси олдига қўйларни бошлаб борган шахс 10 суткага қамалгани ҳамда Фарғонада ЙПХ ходимига бўйсунмаган ҳайдовчи 10 суткага қамалгани ҳақида хабар берилганди.
Изоҳ (0)