Samarqand viloyatida 14-iyun kuni issiq suv quvuri Nexia-3 ustiga quladi. Bu haqda “Zamon” informatsion dasturida xabar berildi.
Qayd etilishicha, 14-iyul kuni diametri 273 santimetr bo‘lgan issiq suv quvuri Nexia-3 mashinasi ustiga qulab tushib, mashinaning ustki qismini pachoq qilgan. Viloyat Uy-joy kommunal xizmat ko‘rsatish boshqarmasi boshlig‘i Bahodir Negmatovning ta’kidlashicha, Nexia-3 avtomobili haydovchisi mashinasini yo‘lning o‘rtasida qoldirgan. Quvur ayni shu mashina ustiga qulagan.
Shuningdek, issiqlik tarmoqlari 41 yildan beri almashtirilmagani ta’kidlangan.
Shu bilan birga, Prezident qaroriga asosan, ushbu hududga Jahon banki tomonidan 30 million dollar mablag‘ ajratilishi rejalashtirilgan. Mablag‘ asosida hududdagi issiqlik ta’minotini almashtirish bo‘yicha loyiha hujjatlari tayyorlangan.
Bundan avval Toshkentda buzilayotgan reklama bannerlaridan biri harakatlanayotgan Spark ustiga qulagani hamda Toshkent markazida kuchli shamol oqibatida Malibu ustiga daraxt qulagani haqida xabar berilgandi.
Izoh (0)