Jizzax viloyatining Zomin tumanida “Asakabank” foydasiga 288 million 122 ming so‘m va davlat foydasiga 11 million 525 ming so‘m davlat bojini to‘lamagan qarzdor erkak 2 nafar MIB xodimini kaltakladi. Bu haqda “Bu kun” informatsion dasturida ma’lum qilindi.
Qayd etilishicha, 24-aprel kuni MIB xodimlari qarzini to‘lamay kelayotgan fuqaroning uyidan televizor, mikroto‘lqinli pech va changyutkichni qarz evaziga olib ketgan.
Voqeaning ertasi kuni qarzdor shaxs MIB xodimiga qo‘ng‘iroq qilib, qarzini to‘lashni va’da qilgan. Shundan so‘ng qarzdor fuqaro ikki nafar MIB xodimini avtomashinasida ovloq joydagi pishiq g‘isht ishlab chiqarish sexiga olib borib, davlat ijrochilariga o‘rtacha darajadagi tan jarohatlari yetkazgan.
Holat yuzasidan Jinoyat kodeksining 219-moddasi (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) 2-qismi bilan jinoiy ish qo‘zg‘atilib, tergov harakatlari olib borilmoqda.
Izoh (0)