Prezident Shavkat Mirziyoyev raisligida 8-iyun, seshanba kuni o‘tkazilgan yig‘ilishda davlat rahbari “Parrandasanoat” uyushmasiga yangi rahbar tayinlanganini ma’lum qildi, deya xabar bermoqda “Daryo” muxbiri.
“Parrandachilik loyihalarini amalga oshirishga ‘Mikrokreditbank’ mas’ul bo‘ladi va unga davlat tomonidan 50 million dollar resurs ajratiladi. Ishlar natijasiga qarab, yana 50 million dollar beriladi.
Umuman, “Parrandasanoat” uyushmasiga bugun yangi rahbar tayinladik. Uyushmaning yangi raisi Bahodir Isayev bir vaqtning o‘zida Veterinariya qo‘mitasi raisining birinchi o‘rinbosari bo‘ladi. B.Isayevga investitsiyalar jalb qilish, loyihalarni shakllantirish, korxonalarning muammolarini hal qilish bo‘yicha barcha vakolatlar beriladi. Unga ‘Mikrokreditbank’ yaqindan ko‘makchi bo‘ladi”, — dedi davlat rahbari.
Avvalroq Shavkat Mirziyoyev tadbirkorlik uchun yerlarni to‘g‘ridan to‘g‘ri va tekinga berish amaliyotidan butunlay voz kechilishini ma’lum qilgani haqida xabar berilgandi.
Izoh (0)