Abituriyentlar 2021-yil 25-iyunga qadar “Maktabgacha ta’lim”, “Koreys tili va menejment”, “Arxitektura” fakultetlariga hujjat topshirishi mumkin. “Maktabgacha ta’lim” va “Arxitektura” fakultetlarida ta’lim olish o‘quv yili uchun 2 200 va 3 300 dollarni tashkil etadi hamda 3+1 tizimiga muvofiq olib boriladi. Bunda talabalar xohishiga ko‘ra o‘qishni Koreya Respublikasida yakunlashi mumkin. “Koreys tili va menejment” fakultetida 2+2 tizimi qabul qilingan, ta’lim esa yiliga 3 300 dollarni tashkil etadi.
Arizalar Toshkent shahri, Chilonzor tumani, 17-daha, Qatortol-2 ko‘chasi 38-A uy manzilida shaxsan qabul qilinadi. Qabul vaqti – dushanbadan jumagacha, soat 10:00 dan 17:00 gacha.
Abituriyentlar quyidagi hujjatlar to‘plamini taqdim etishi zarur:
1. Diplom (attestat) nusxasi yoki o‘qish joyidan ma’lumotnoma;
2. Pasport nusxasi;
3. www.bucheon.uz’da to‘ldirilgan onlayn ariza;
4. Rasm 3x4;
5. 250 000 so‘m miqdorida ro‘yxatdan o‘tish badali.
Shuningdek, xohlovchilar hujjatlarni onlayn tarzda ham topshirishi mumkin. Yuborilgan hujjatlarni qayta ishlash dushanbadan jumagacha, soat 10:00 dan 17:00 gacha amalga oshiriladi.
Onlayn ariza topshirish uchun sizga quyidagilar kerak bo‘ladi:
- universitet saytida (www.bucheon.uz) telefon raqami tekshiruvidan o‘tish;
- shaxsiy kabinetingizda arizani to‘ldirish va yuqorida sanab o‘tilgan barcha kerakli hujjatlarni ilova qilish;
- ro‘yxatdan o‘tish badalini bank, Apelsin dasturi orqali yoki universitetning o‘zida to‘lash;
- shaxsiy kabinetingizda to‘lov kvitansiyasini ilova qilish.
Universitet xodimlari tomonidan abituriyentga muvaffaqiyatli ro‘yxatdan o‘tganligi to‘g‘risida xabar beriladi.
Kirish imtihonlari ikkita blokka bo‘linadi: test sinovi va suhbat. Imtihonlar 5—10-iyul kunlari bo‘lib o‘tadi.
Test sinovlari Davlat test markazi tomonidan o‘tkaziladi. “Maktabgacha ta’lim” va “Arxitektura” fakulteti abituriyentlari ingliz tilidan test topshiradi. “Koreys tili va menejment” fakulteti abituriyentlari koreys tilidan test topshiradi.
IELTS 5,5 va undan yuqori yoki CEFR B1 hamda undan yuqori sertifikatlarga ega bo‘lgan abituriyentlar “Maktabgacha ta’lim” va “Arxitektura” yo‘nalishlarining yozma imtihonidan ozod etilishi mumkin. “Koreys tili va menejmenti” yo‘nalishining test sinovlaridan ozod qilish TOPIK 3 va undan yuqori sertifikat mavjud bo‘lganda amalga oshiriladi.
Test sinovidan so‘ng Toshkentdagi Puchon universiteti o‘qituvchilari abituriyentlar bilan suhbat o‘tkazadi.
Kirish imtihonlarining natijalari 2021-yil 24-iyulda, abituriyentning shaxsiy kabinetida e’lon qilinadi.
Qabul komissiyasiga savollar bo‘yicha quyidagi telefon raqamlari orqali murojaat qilishingiz mumkin: +99878 150 40 02, +99895 196 36 01
Bucheon universiteti — barcha uchun ochiq bo‘lgan, an’anaviy koreys ta’limi!
Veb-sayt: https://bucheon.uz/ru
Telegram: https://t.me/bucheon_uz
Instagram: bucheon.university
Facebook: bucheon.university.tashkent
Reklama huquqi asosida.
Izoh (0)