“Manchester Siti” bosh murabbiyi Xosep Gvardiola “Chelsi”ga qarshi kechadigan Chempionlar Ligasi final o‘yini oldidan o‘z fikrlari bilan o‘rtoqlashdi.
Ba’zi futbolchilar maydonga bosim va muammolar bilan chiqadi, ammo ular bu bilan kurashishi kerak.“Manchester Siti” va “Chelsi” o‘rtasidagi final uchrashuvi 29-maydan 30-mayga o‘tar kechasi soat 00:00 da boshlanadi.Finalda g‘alaba qozonish uchun yaxshigina qiynalishimiz kerakligiga aminman. O‘yindan zavq oling, deb aytish yoqimli, lekin ba’zida bu imkonsiz. Siz bardoshli va moslashuvchan bo‘lishingiz lozim.
Biz qanday o‘ynashni xohlayotganimizni, kim bilan o‘ynashimizni aniq bilaman va futbolchilarga ortiqcha bosim o‘tkazmoqchi emasman. Bu yerda bo‘lish juda ajoyib imtiyozdir. Faoliyatim boshida hech bo‘lmaganda bitta Chempionlar Ligasi finalida o‘ynayman deb o‘ylamagandim. Hozir esa biz shu yerdamiz. Omadimiz keldi.
Men futbolchilarga nima deyishimni aniq bilaman. Ularni ortiqcha bezovta qilmoqchi emasman. Xavotirga tushgan yoki asabiylashayotgan yigitlarga ham, nisbatan o‘zini erkinroq tutayotgan futbolchilarga ham buning normal holat ekanligini aytaman. Har kim o‘z uslubida tayyorlanadi.
Xosep Gvardiola, “Manchester Siti” bosh murabbiyi
Izoh (0)