Хосеп Гвардиола: «Чемпионлар Лигасида ғалаба қозониш учун яхшигина қийналишимиз керак»

«Манчестер Сити» бош мураббийи Хосеп Гвардиола «Челси»га қарши кечадиган Чемпионлар Лигаси финал ўйини олдидан ўз фикрлари билан ўртоқлашди.

Баъзи футболчилар майдонга босим ва муаммолар билан чиқади, аммо улар бу билан курашиши керак.

Финалда ғалаба қозониш учун яхшигина қийналишимиз кераклигига аминман. Ўйиндан завқ олинг, деб айтиш ёқимли, лекин баъзида бу имконсиз. Сиз бардошли ва мослашувчан бўлишингиз лозим.

Биз қандай ўйнашни хоҳлаётганимизни, ким билан ўйнашимизни аниқ биламан ва футболчиларга ортиқча босим ўтказмоқчи эмасман. Бу ерда бўлиш жуда ажойиб имтиёздир. Фаолиятим бошида ҳеч бўлмаганда битта Чемпионлар Лигаси финалида ўйнайман деб ўйламагандим. Ҳозир эса биз шу ердамиз. Омадимиз келди.

Мен футболчиларга нима дейишимни аниқ биламан. Уларни ортиқча безовта қилмоқчи эмасман. Хавотирга тушган ёки асабийлашаётган йигитларга ҳам, нисбатан ўзини эркинроқ тутаётган футболчиларга ҳам бунинг нормал ҳолат эканлигини айтаман. Ҳар ким ўз услубида тайёрланади.

Хосеп Гвардиола, «Манчестер Сити» бош мураббийи