Massimiliano Allegri “Yuventus” bosh murabbiyi etib tayinlandi. Bu haqda klub rasmiy sayti xabar bermoqda.
53 yoshli mutaxassis ushbu lavozimda atigi bir yil ishlagan Andrea Pirloning o‘rnini egallaydi. Allegri turinliklar bilan 2025-yilning yoziga qadar mo‘ljallangan shartnoma imzoladi.
Qay etish joiz, Allegri bungacha 2014 —2019-yillarda ham jamoani boshqargan. Turin klubi uning qo‘l ostida 5 marta Italiya chempionati, 4 marta mamlakat Kubogi va 2 bor Italiya Superkubogida g‘alaba qozongan.
Allegriga shuningdek, “Real” va “Inter” klublaridan ham takliflar bo‘lgan. Biroq mutaxassis Turinga qaytish variantini tanladi.
“Yuventus” 2020/21-yilgi mavsumni o‘zi uchun qoniqarsiz yakunladi. Chempionlar Ligasidagi ishtirokini erta tugatgan bo‘lsa, A Seriyada bor-yo‘g‘i 4-o‘rin bilan kifoyalandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)