“River Pleyt” klubi Libertadores Kubogi guruh bosqichi doirasida “Santa-Fe”ga qarshi o‘yinda 2:1 hisobida g‘alaba qozondi.
“River Pleyt” jamoada koronavirus tarqalgani bois Buenos-Ayres shahri jamoasi o‘yin qaydnomasiga faqat 11 nafar futbolchini kirita oldi va zaxira o‘yinchilarisiz harakat qildi. COVID-19 sabab “Pleyt”ning 20 futbolchisi o‘yinda ishtirok eta olmadi.
Shuningdek, qaydnomada darvozabon yo‘qligi bois jamoaning 35 yoshli yarim himoyachisi Enso Peres darvozani qo‘riqladi va bitta gol o‘tkazib yubordi.
“River Pleyt” 5-turdan keyin 9 ochko to‘plagan holda guruhda peshqadam bo‘lib turibdi.
Libertadores Kubogi
5-tur bahsi
“River Pleyt” Argentina — “Santa-Fe” Kolumbiya 2:1
Gollar: 1:0 – 3 Anxileri, 2:0 – 6 Alvares, 2:1 – 73 Osorio.“River Pleyt”: Peres, Lekanda, Kasko, Maydana, Martines, Paradela, Anxileri, Karraskal, Penya, Fontana, Alvares.
“Santa-Fe”: Kastelyanos, Morales, Palasios, Torixano, Porras, Piko, Xiraldo (Kardenas, 61; Oliveros, 86), Velaskes (Valdes, 46), Gonsales (Osorio, 46), Aryas, Ramos (Makkormik, 86).
Ogohlantirishlar: Xiraldo (60), Ramos (64), Morales (83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)