Futbol bo‘yicha OFK Kubogi guruh bosqichi 2-turi doirasida “Nasaf” 17-may, dushanba kuni “Xo‘jand” bilan bahs yuritdi.
Uchrashuvda tezkor gol kiritildi. 9-daqiqada Akmal Mozgovoy qanotdan oshirib berilgan to‘pni darvozaga joylab qo‘ydi va qarshiliklarni hisobda oldinga olib chiqdi. Birinchi bo‘lim yakunlanishi arafasida “ajdarlar” yana ikki bor tojik jamoasi darvozasiga yo‘l topdi. Gollarga Husniddin Aliqulov va Sherzod Nasrullayev mualliflik qildi.
O‘rtacha tempda o‘tgan ikkinchi 45 daqiqalikda esa darvozalarga boshqa to‘p kiritilmadi.
Shu tariqa Ro‘ziqul Berdiyev boshchiligidagi “Nasaf” ketma-ket ikkinchi o‘yinda yirik hisobdagi g‘alabani tantana qildi. Jamoa birinchi turda Qirg‘izistonning “Oloy” klubini 4:0 hisobida mag‘lub etgandi. Qarshiliklar guruhdan chiqish uchun 3-turda “Oltin Asr”ga (Turkmaniston) yutqazmasligi kerak. Turkman klubini esa faqat g‘alaba qoniqtiradi.
Ikkinchi turdan keyingi guruhdagi holat:
OFK Kubogi
2-tur bahsi
17-may, dushanba
“Xo‘jand” — “Nasaf” 0:3
Gollar: 0:1 — 9 Mozgovoy, 0:2 — 42 Aliqulov, 0:3 — 45+1 Nasrullayev.“Xo‘jand”: 88. Aleksey Matrosov, 7. Artyom Serdyuk, 10. Dilshod Bozorov, 12. Ehson Boboyev (6. Hojiboyev Ziyoyev, 71), 13. Nozim Bobojonov (14. Tohir Malado‘stov, 71), 18. Daler Yodgorov, 20. Samandar Ochilov, 21. Firdavs Chakalov, 66. Naimjon Ibrohimzoda (9. Parviz Boqi Oxunov,, 71), 70. Abdulmo‘min Zabirov, 77. Grek Maksim.
“Nasaf”: 35. Abduvohid Ne’matov, 4. Husniddin Aliqulov, 5. G‘olib G‘aybullayev (8. Dilshod Saidov, 62), 19. Husayn Norchayev ( 25. Muhriddin Zoirov, 62), 20. Suhrob Nurulloyev (55. Shahzod Akramov, 76), 22. Akmal Mozgovoy, 34. Sherzod Nasrullayev (15. Jo‘rabek Mannonov, 62), 50. Shohmalik Komilov (70. Abubakr Rizo Turdialiyev, 78), 77. Oybek Bozorov, 88. Marko Stanoyevich, 92. Umar Eshmurodov.
Ogohlantirish: Nozim Bobojonov (70).
Izoh (0)