Futbol bo‘yicha BAA prezidenti Kubogining final bahsi doirasida “Shabob al-Ahli” 16-may, yakshanba kuni “An-Nasr” bilan bahs yuritdi.
Uchrashuv 2:1 hisobida “Shabob al-Ahli”ning g‘alabasi bilan yakunlandi. Dubay klubi safida Fediriko Kartabia dublga erishdi. U dastlabki golini birinchi bo‘limda kiritgan bo‘lsa, ikkinchi taymga qo‘shib berilgan daqiqalarda 11 metrlik jarima zarbasini golga aylantirdi. “An-Nasr”ning javob to‘pi esa Mehdi Abed hisobiga yozildi.
“Shabob” safida to‘p suradigan o‘zbekistonlik futbolchilar Jaloliddin Masharipov va Odiljon Hamrobekov mazkur uchrashuvda to‘liq 90 daqiqa harakat qildi.
Shu tariqa “Shabob al-Ahli” final o‘yinida g‘alaba qozonib, mavsumdagi ikkinchi sovrinini qo‘lga kiritdi. Avvalroq jamoa BAA Liga Kubogiga ega chiqqandi.
BAA prezidenti Kubogi
Final bahsi
16-may, yakshanba
Izoh (0)