Futbol bo‘yicha Germaniya Bundesligasining 33-turida “Bavariya” 15-may, shanba kuni “Frayburg” maydoniga safar qildi.
Uchrashuvda 2:2 hisobidagi durang qayd etildi. Dastlab Robert Levandovski 26-daqiqada hisobni ochdi. Ushbu vaziyatda polshalik hujumchi 11 metrlik jarima zarbasini golga aylantirdi. Shundan so‘ng darvozalarga yana 3 ta gol urildi. Myunxenliklarning ikkinchi goliga Leroy Sane mualliflik qilgan bo‘lsa, mezbonlardan Manuel Gulde va Kristian Gyunter o‘z hisobiga gol yozdirib qo‘ydi.
Ushbu g‘alabadan keyin muddatidan oldin chempionlikni rasmiylashtirgan “Bavariya”ning ochkolari 75 taga yetdi. “Frayburg” (45) esa 10-o‘rinda bormoqda.
Bundesliga
33-tur bahslari
15-may, shanba
“Frayburg” — “Bavariya” 2:2
Gollar: 0:1 – 26, penalti Levandovski, 1:1 – 29 Gulde, 1:2 – 53 Sane, 2:2 – 81 Gyunter.“Frayburg” – Flekken, Kyubler (Chjon Vu Yen, 72), Gulde, Linxart, Gyunter, Shallai (Shmid, 62), Grifo, Hefler, Santamariya (Kaytel, 73), Petersen (Haberer, 61), Demirovich (Heler, 56).
“Bavariya” – Nyubel, Zyule (Sarr, 73), Boateng, Lyuka Ernandes (Roka, 61), Devis, Alaba, Kimmix, Myuller (Tolisso, 62), Levandovski, Gnabri, Sane (Koman, 73).
Ogohlantirishlar: Shallai (17), Devis (87), Alaba (90).
Izoh (0)