“Daryo”ni Telegram’da o‘qing! Join!
20:57, 14.05.2021 39808

Millionlab mablag‘ topsa ham, pul tejaydigan yulduzlar (foto)

Gollivud yulduzlarining hammasi ham hashamatli hayotga mukkasidan ketmagan. Ularning orasida ham kamtarona hayot kechiradigan mashhurlar yo‘q emas.

Kianu Rivz

Foto: Grazia

Gollivud yulduzi brendlardan kiyinish, xarid qilishga qiziqmaydi. Jamoat transportlaridan foydalanish, aksiyadagi mahsulotlarni sotib olishi mumkinligiga qaramay, uning pulga muhtojligi yo‘q. “Bilasizmi, ishlab topgan pulim bir necha asr muammosiz yashashimga yetadi”, — degan u intervyulardan birida.

Jennifer Lourens

Foto: Grazia

O‘rtahol oilada tug‘ilib o‘sgan aktrisa Nyu-Yorkka ko‘chib kelganidan keyin moddiy qiyinchiliklarga duch kelgan. U vaqti kelganida och qolishiga to‘g‘ri kelgani, hatto kalamushlar bor joyda katta bo‘lganini ta’kidlagan. Bunday tajribadan keyin u baxt pulda emasligini tushunib yetgan va katta gonorarga ega bo‘lganida ham uni havoga sochmagan.

Tayra Benks

Foto: Grazia

“Amerika top modeli” shousini yo‘lga qo‘yib, mashhurlikka erishgan Tayraga reklama shartnomalari millionlab mablag‘ olib kelganiga qaramay, u ham pulni ko‘kka sovurishni afzal bilmagan. Oddiy amerikaliklar singari kafelarda ovqatlanadigan model muhim xaridni amalga oshirishdan avval hisobchisi bilan maslahatlashadi.

Leonardo Di Kaprio

Foto: Grazia

Dunyoning eng ko‘p haq to‘lanadigan aktyorlaridan biri ekaniga qaramay, Leo ham ortiqcha pul sarflamaydi. U karyerasini boshidayoq atrof-muhitning zararlanishi va global isish masalalarini hal qilishga qaratilgan jamg‘arma tashkil qilgan. U to‘langan gonorarlarning aksariyat qismini shu kabi jamg‘armalarga o‘tkazadi. “Men deyarli hech nimasiz, ammo baxtli bo‘lib o‘sganman. Pulning baxtga daxli yo‘q”, — degan u.

Sara Jessika Parker

Foto: Grazia

Aktrisa bolaligi oson o‘tmaganini bir necha marta takrorlagan. U 7 farzandli oilada katta bo‘lgani sabab muntazam ravishda moddiy yetishmovchilik kuzatilgan. Qiyin o‘tgan bolalik uni pulning qadrini bilishga o‘rgatgan.