Yulduzlik kasaliga chalingan mashhurlar (foto)

Film va seriallardagi ijrosidan keyin muvaffaqiyatga erishib, o‘zini yo‘qotib qo‘ygan yulduzlar haqida ma’lumot berib o‘tamiz.

Deniel Redkliff

Deniel “Garri Potter”da suratga tushish vaqtida spirtli ichimliklarga mukkasidan ketgan. Uning o‘zi keyinroq erta yulduzlikka erishgani sabab o‘zini yo‘qotib qo‘yganini ma’lum qilgan. 17 yoshida mashhurlikdan zavqlanish kerakligini tushunib yetib ijodiy tanaffus qilgan. Barcha muxlislar qalbini zabt etib bo‘ldim, deb o‘ylagan aktyor vaqtini barda o‘tkaza boshlagan. Mast holda suratga tushish maydonchasida namoyon bo‘la boshlagani sabab hamkasblari uni davolanishga ko‘ndirgan.

Demi Lovato

10 yoshidan suratga tushishni boshlagan Demi 16 yoshida “Camp Rock: Musiqiy ta’til” filmidagi ijrosi unga mashhurlik olib kelgan. Demi ham erta yulduzga aylanganini ko‘tara olmagan, taqiqlangan moddalarga o‘ralashib qolgan. 2018-yilda dozani oshirib yuborgani sabab bir o‘limdan qolgan. Ana shunda muammo jiddiyligini tushunib yetgan va davolanishga qaror qilgan.

Nikol Richi

Ziyofatma-ziyofat yurishni Nikol Peris Xiltondan o‘rgangan. Ko‘ngilxushlikka mukkasidan ketgan yulduzlar bilan bog‘liq hodisalar aksariyat holda salbiy yakun topgan. Bir qarasa taqiqlangan moddalarni qabul qilgan, bir qarasa hushini yo‘qotgunicha ichgan. Shundan keyin bir necha marta davolanish kurslarini olgan, hatto qamalib ham chiqqan. Qora o‘tmishiga bo‘lajak turmush o‘rtog‘i bilan tanishganidan keyin nuqta qo‘ygan.

Makoley Kalkin

“Uyda yolg‘iz” filmidagi ijrosidan keyin Makoley Kalkin AQShdagi eng mashhur bolaga aylangan. Kinosanoatning ko‘zga ko‘ringan vakillari u bilan hamkorlik qilishni orzu qilgan bir paytda otasi o‘g‘lining ijrosi evaziga haddan ortiq katta mablag‘ talab qila boshlagan. Makoleyning keyingi loyihalari esa avvalgidek muvaffaqiyatli chiqmagan. Takliflar kamaygani uni depressiyaga tushishiga sababchi bo‘lgan.

Dryu Berrimor

Ilk roli omadli chiqqan Dryu 11 yoshidan chekishni, 12 yoshdan ichishni boshlagan va 1 yil o‘tib taqiqlangan moddalarga ilakishib qolgan. Shundan keyin onasi uni davolanish uchun shifoxonaga yuborgan. Shundan keyingina Berrimor yangi hayot boshlagan.