2021-yilning fevralida Gvatemalada Pakaya vulqoni harakatga keldi. Devid Garsiya ismli mahalliy fuqaro ushbu vaziyatdan foydalanib qolishga qaror qilib, vulqon otilishini tomosha qilishga kelgan turistlarga lavada pitssa pishirib bermoqda, deb xabar beradi Hi-Tech.Mail.ru.
Garsiya Selsiy bo‘yicha 1000 darajaga bardosh bera oladigan kattaroq tunuka tovani o‘ylab topgan. Erkak xamir qoradi, sous va pishloqli masalliqlarni tayyorlaydi — xuddi oddiy pitssadagi kabi. Tayyor bo‘lgan yarim mahsulotni u qaynoq lava ustiga qo‘yib, bir necha daqiqa kutadi.
Garsiya buyurtmalarni to‘g‘ridan to‘g‘ri ijtimoiy tarmoqlar yoki telefoni orqali qabul qiladi — turistlar va mahalliy aholi u bilan bog‘lanib, lavada pitssa pishirib berishini so‘ramoqda. Erkak bu kabi usulda yegulik pishirishni birinchi bor 2013-yilda o‘ylab topgan, biroq hozirga kelib bu ommalashib ketdi.
Eslatib o‘tamiz, 2021-yilning mart oxirlarida olimlar Islandiyadagi Fagradalsfyadl vulqonining hali sovib ulgurmagan lavasida xot-dog uchun sossikalar pishirgandi.
Izoh (0)