O‘zbekiston Prezidenti Shavkat Mirziyoyev “Ikkinchi jahon urushi qatnashchilarining moddiy ta’minotini yanada kuchaytirish chora-tadbirlari to‘g‘risida”gi farmonni imzoladi.
Farmon matni quyida to‘lig‘icha keltiriladi.
Mamlakatimizda keksalarni davlat tomonidan qo‘llab-quvvatlash va ijtimoiy himoya qilishning samarali tizimini shakllantirish, Vatan obro‘-e’tiborini yuksaltirishga, yoshlarni ma’naviy-axloqiy jihatdan tarbiyalashga faol qatnashayotgan qariyalarni e’zozlash hamda fashizm ustidan qozonilgan g‘alabaga munosib hissa qo‘shgan faxriylarning moddiy ta’minotini yanada kuchaytirish maqsadida:Bundan avval Farg‘onada 45 nafar Ikkinchi jahon urushi qatnashchisiga Prezident sovg‘alari hamda 12 milliondan pul mukofoti topshirilgani, Dehqonobodda 99 yoshli Ikkinchi jahon urushi qatnashchisiga Prezident nomidan maxsus sovg‘a va 12 mln so‘m pul topshirilgani hamda Rossiyada Ikkinchi jahon urushi faxriylariga beriladigan mukofot puli O‘zbekiston va Qozog‘istondagiga nisbatan bir necha baravar kam bo‘lib chiqqani haqida xabar berilgandi.1. 2021-yil 10-maydan boshlab 1941–1945-yillardagi urush nogironlari va qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda – 2,5 million so‘m etib belgilansin.
2. Mazkur farmonni bajarish bilan bog‘liq bo‘lgan sarf-xarajatlar Moliya vazirligi huzuridagi budjetdan tashqari Pensiya jamg‘armasi va respublika budjeti mablag‘lari hisobidan amalga oshirilsin.
3. Moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlarga ushbu farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga taklif kiritsin.
4. Mazkur farmonning ijrosini nazorat qilish O‘zbekiston Respublikasi bosh vaziri A.N. Aripov zimmasiga yuklansin.
O‘zbekiston Respublikasi
Prezidenti Sh.Mirziyoyev
Izoh (0)