«ПСЖ» ҳужумчиси Неймар парижликлар билан янги шартнома имзолади, дея хабар қилмоқда Фабрицио Романо.
Италиялик журналистга кўра, бразилиялик футболчи Париж клуби билан шартномани узайтирган. Янги битим 2026 йилнинг июнига қадар мўлжалланган бўлади. Парижликлар яқин орада келишув имзоланганини расман эълон қилиши кутилмоқда.
Неймар янги шартномага кўра йилига 30 миллион евро маош олади (солиқлардан кейин ҳисоблаганда). Келишувда «ПСЖ» Чемпионлар Лигасида ғолиб чиқадиган бўлса, Неймарга катта миқдорда бонус тақдим этилиши кўрсатилган.
Неймар «ПСЖ»га 2017 йилда «Барселона»дан 222 миллион евро эвазига ўтганди.
Жорий мавсум футболчи Франция чемпионатида 15 та ўйин ўтказиб, 7 та гол ва 4 та голли узатма амалга оширди.
Мазвуга доир:
- Ҳашаматли уйлар, самолёт, вертолёт ва машиналар. Неймар миллионларини нималарга сарфлайди?
- Салоҳ, Неймар, Мбаппе ва «ўзга сайёраликлар»нинг «самовий» бойликлари. Дунёнинг энг яхши футболчилари қанча даромад кўради?
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)