Футбол бўйича БАА Про-Лигасининг 25-туридан ўрин олган бир қатор ўйинлар 7 май, жума куни бўлиб ўтди.
«Шабоб ал-Аҳли» ўз майдонида «Ал-Васл»ни қабул қилди ва рақиб дарвозасига жавобсиз учта гол урди. Учрашувни тўлиқ ўтказган ўзбекистонлик ярим ҳимоячи Жалолиддин Машарипов «Шабоб ал-Аҳли»нинг учинчи голига ассистентлик қилди. Машарипов жарима майдончасига ёриб кирди ва тўпни дарвозабондан ҳам ўтказиб, Ҳариб Абдалланинг гол уришига замин яратиб берди. Ушбу баҳсда яна бир ўзбекистонлик ярим ҳимоячи Одилжон Ҳамробеков («Шабоб ал-Аҳли») ҳам тўлиқ 90 дақиқа ўйнади.
Жалолиддин Машариповнинг голли узатмасини бу ерда кўриш мумкин — видео.
Достон Ҳамдамовнинг голини бу ерда кўриш мумкин — видео..
Шунингдек, мазкур турда Отабек Шукуров ҳаракат қилаётган «Шаржа» ҳам ўз ўйинини ўтказди. Жамоа «Ажман» майдонига сафар қилиб, 3:0 ҳисобидаги ғалабани тантана қилди. Шукуров мазкур баҳсда тўлиқ 90 дақиқа ҳаракат қилди.
25-турдан кейин «Шаржа» 48 очко билан мусобақа жадвалида 3-ўринда бормоқда. «Шабоб ал-Аҳли» (47) 4-поғонани банд этган бўлса, ҳисобида 12 очко бўлган «Ҳатта» сўнгги ўриндан жой олган.
БАА Про-Лигаси
25-тур баҳслари
7 май, жума
Изоҳ (0)