3-may – Jahon matbuoti erkinligi kuni munosabati bilan O‘zbekiston elektron ommaviy axborot vositalari milliy assotsiatsiyasi tashabbusi doirasida Yoshlar ishlari agentligi, “Mening yurtim” telekanali kabi bir qator tashkilotlar bilan hamkorlikda, “Yangi O‘zbekiston. Yangi nigoh” madia-haftaligining tantanali ochilish marosimi bo‘lib o‘tdi.
Besh kun davomida o‘nlab konferensiya, master-klasslar, film namoyishlari, festivallar, ijodiy uchrashuvlar, forum hamda taqdimotlar o‘tkaziladi.
Haftalikning barcha tadbirlari yosh jurnalistlar, iqtidorli yosh mutaxassislar va talabalarning kasbiy mahoratini, bilim darajasini oshirishga, ijodiy va kasbiy rivojlantirishga yo‘naltirilgan. Dastur davomida germaniyalik media-ekspert Rene Falkner tomonidan, kasting asosida tanlangan yosh jurnalistlar maxsus guruhi uchun yillik media kurslarining ochilishi, rossiyalik jurnalist Boris Maksudov ishtirokida yosh jurnalistlar uchun maxsus uchrashuv va master-klass, yosh jurnalistlar uchun o‘zbek jurnalisti Amirxon Umarov bilan uchrashuv, master-klass, yosh operatorlar uchun TATU kafedrasi mudiri, operator Botir Bozorboyev bilan uchrashuv hamda master-klass, yosh montajchilar uchun Kamilla Yusupova bilan uchrashuv va master-klass, yosh piar hamda SMM-mutaxassislar uchun esa Jaloliddin Mirzayev bilan uchrashuv va master-klass tashkil etildi.
“Zamon” axborot-tahliliy dasturining yangi suratga olish pavilyonining ochilish marosimi, jurnalistika sohasida “Oltin qalam” XV milliy mukofoti uchun xalqaro tanlov g‘oliblarini taqdirlash marosimi bo‘lib o‘tdi.
Kechki dasturda “Men terrorchi emasman” filmining maxsus namoyishi bo‘lib o‘tdi. Mazkur namoyishga film kinoijodkorlari ham taklif etildi.
Reklama huquqi asosida.
Izoh (0)