3 май – Жаҳон матбуоти эркинлиги куни муносабати билан Ўзбекистон электрон оммавий ахборот воситалари миллий ассоциацияси ташаббуси доирасида Ёшлар ишлари агентлиги, «Менинг юртим» телеканали каби бир қатор ташкилотлар билан ҳамкорликда, «Янги Ўзбекистон. Янги нигоҳ» мадиа-ҳафталигининг тантанали очилиш маросими бўлиб ўтди.
Беш кун давомида ўнлаб конференция, мастер-класслар, фильм намойишлари, фестиваллар, ижодий учрашувлар, форум ҳамда тақдимотлар ўтказилади.
Ҳафталикнинг барча тадбирлари ёш журналистлар, иқтидорли ёш мутахассислар ва талабаларнинг касбий маҳоратини, билим даражасини оширишга, ижодий ва касбий ривожлантиришга йўналтирилган. Дастур давомида германиялик медиа-эксперт Рене Фалькнер томонидан, кастинг асосида танланган ёш журналистлар махсус гуруҳи учун йиллик медиа курсларининг очилиши, россиялик журналист Борис Максудов иштирокида ёш журналистлар учун махсус учрашув ва мастер-класс, ёш журналистлар учун ўзбек журналисти Амирхон Умаров билан учрашув, мастер-класс, ёш операторлар учун ТАТУ кафедраси мудири, оператор Ботир Бозорбоев билан учрашув ҳамда мастер-класс, ёш монтажчилар учун Камилла Юсупова билан учрашув ва мастер-класс, ёш пиар ҳамда SMM-мутахассислар учун эса Жалолиддин Мирзаев билан учрашув ва мастер-класс ташкил этилди.
«Замон» ахборот-таҳлилий дастурининг янги суратга олиш павильонининг очилиш маросими, журналистика соҳасида «Олтин қалам» XV миллий мукофоти учун халқаро танлов ғолибларини тақдирлаш маросими бўлиб ўтди.
Кечки дастурда «Мен террорчи эмасман» фильмининг махсус намойиши бўлиб ўтди. Мазкур намойишга фильм киноижодкорлари ҳам таклиф этилди.
Реклама ҳуқуқи асосида.
Изоҳ (0)