Dunyo va O‘zbekistonda 3-may kuni olingan qiziqarli suratlarni namoyish qilamiz.

Dizayner Arturo Rios tomonidan taqdim etilgan bosh kiyimida Kentukki shtatidagi ot poygalarini tomosha qilish uchun kelgan kaliforniyalik ayol.

Foto: Reuters

Toshkentdagi umumiy ovqatlanish joylaridan birida iftorlik uchun tayyorlab qo‘yilgan yeguliklar.

Foto: “Daryo” / Musulmonbek Ibrohimov

Mavzuga doir: Oylar sultoni — Ramazon: Saharlik va iftorlikning fazilati

Kanadadagi Frayer daryosidan o‘lja ovlayotgan qirg‘iy.

Foto: Solent News

Bangladeshdagi daryoda baliqchilar suv o‘tlari orasidan o‘tib bormoqda.

Foto: Solent News

O‘zbekiston sog‘liqni saqlash vaziri o‘rinbosari Bahodir Yusupaliyev o‘zbek—xitoy vaksinasi bilan emlandi. O‘zbekistonda virusga qarshi emlangan fuqarolar soni 856 016 nafarga yetdi.

Foto: Sog‘liqni saqlash vazirligi

Mavzuga doir: O‘zbekiston aholisi qaysi vaksina bilan ko‘proq emlanmoqda?

Belgiya osmonida quyosh atrofida hosil bo‘lgan halqa shaklidagi atmosfera hodisasi.

Foto: Shutterstock

Tuman qoplagan ko‘rfazda turgan syorfingchi. Avstraliyada dam olish kunidagi jaziramadan keyin Marubra plyajini kuchli tuman qopladi.

Foto: Getty Images

Kamida 34 Qirg‘iziston fuqarosi halok bo‘lgan chegara to‘qnashuvidan so‘ng Tojikiston bilan chegara yaqinidagi qishloq orqali buyumlarini olib o‘tayotgan erkak.

Foto: Getty Images

Mavzuga doir: Yonib ketgan uylar, do‘konlar va maktab. Qirg‘izistonning Tojikiston bilan chegaradagi vayron bo‘lgan qishlog‘i — suratlarda

Shvetsiyaning Segerstad dengiz qirg‘og‘i yonida quruqlikka chiqib qolgan bukri kitning jasadi olib ketilmoqda.

Foto: Getty Images

Mavzuga doir: Yangi Zelandiyada 50 ta qora delfin o‘zini qirg‘oqqa tashladi

Turkiyada Betmen kostyumidagi taksichi Umar pandemiya paytida mahalliy qahramonga aylandi. U bu vaqtda qariyalarga oziq-ovqat, bolalarga esa sovg‘alar tarqatdi.

Foto: Getty Images

Meksika muxolifati — Sapatista milliy ozodlik armiyasi delegatsiyasi 30 ta turli mamlakatdagi kapitalizmga qarshi guruhlar bilan uchrashish uchun Yevropaga ketganidan so‘ng Zokalo maydoniga qo‘yib chiqilgan qog‘oz qayiqlar.

Foto: Getty Images

Italiyadagi “Mario Saveriyo Kozzoli” stadionida bo‘lib o‘tgan Milliy chempionatda 10 000 metrga yugirayotgan sportchilar.

Foto: Shutterstock

“Old Trafford” stadioni yaqinidagi Unity Trinity haykali oldida “Manchester Yunayted” futbol klubi egalariga qarshi norozilik namoyishi o‘tkazayotgan muxlislar.

Foto: Getty Images

Mavzuga doir: “Manchester Yunayted” “Old Trafford”da namoyish o‘tkazgan muxlislarning jinoiy harakatlarini aniqlashda politsiya bilan hamkorlik qilishini ma’lum qildi

3-may kuni Vatikanda ochilgan Rafael Santining suratini tomosha qilayotgan sayyohlar.

Foto: AP Photo

Xitoydagi zamonaviy qishloq xo‘jaligi bog‘idagi kaktus.

Foto: Shutterstock

Bryusseldagi Bois de la Cambre bog‘iga yig‘ilgan odamlar koronavirus sabab joriy qilingan cheklovlarni buzgani uchun maxsus suv otar qurollar bilan “jazolanmoqda”.

Foto: Reuters

Dakka shahri chekkasidagi Biruliya dalasidan yig‘ib olingan guruchni quritayotgan ayol.

Foto: Reuters

Sankt-Peterburgdagi Pyotr va Pol sobori ustida 2020-yilgi UEFA Yevropa futbol chempionati logotipi shaklini hosil qilgan dronlar.

Foto: Reuters

Xitoyning Uxan shahridagi Mehnat kuni bayramida bo‘lib o‘tgan konsertda Strawberry rok guruhining chiqishini tomosha qilayotgan muxlislar.

Foto: Reuters

Bangkokda hibsga olingan namoyish rahbarlarini ozod qilish va Jinoyat kodeksining 112-moddasini (qirol, malika yoki valiahdni obro‘sizlantirish, haqorat qilish yoki ularga tahdid qilish) bekor qilishni talab qilgan namoyishchilar qamoqdagi safdoshlari suratini ko‘tarib turibdi.

Foto: Reuters

Ispaniyada Madrid mintaqaviy hukumati rahbari va Xalq partiyasi nomzodi Isabel Diaz Ayuso Madrid mintaqaviy saylovlari oldidan saylovoldi tashviqot yig‘ilishida ishtirok etmoqda.

Foto: Reuters

Avvalgi kunlarning fotogalereyalari: