«Спартак» ярим ҳимоячи Остон Ўрунов учун 3 миллион евро талаб қилмоқда, деб хабар беради «Sports.ru» «РБ Спорт» нашрига таяниб.
Қайд этилишича, «Уфа» «Спартак»ка 20 ёшли ўзбекистонлик футболчини 1 миллион евро эвазига сотиб олиш тўғрисида расмий сўров юборган. Аммо «Спартак» жавоб хатида ярим ҳимоячини 3 миллион евродан камига қўйиб юбормаслигини маълум қилган.
Аввалроқ «Уфа» бош директори Шамил Газизов клуб Ўруновни сотиб олиш истагида эканлиги ҳақида гапирганди.
Ушбу хабарга Москва клубининг жамоатчилик билан алоқалар департаменти директори Антон Фетисов ҳам муносабат билдирди.
«Уфа» Ўрунов трансфери бўйича таклиф юборгани йўқ. Аввалги ҳолатларда ҳам шундай бўлган: Шамил Газизов ОАВ орқали Остонга таклиф юборилганини айтган, лекин ҳеч қандай расмий қоғоз йўқ эди. Ва биз рад этганимиздан кейингина таклиф келиб тушган. Ҳар сафар таклифлар жуда камтарона бўлган.Маълумот учун, Ўрунов 2020 йилнинг август ойида 1 миллион евро эвазига «Уфа»дан «Спартак»ка ўтганди. Аммо у пойтахт клубида мунтазам ўйин амалиётига эга бўлмади ва 2021 йилнинг февралида ижара асосида «Уфа»га қайтди.«Спартак» футболчига сарфлаган харажатни, шу жумладан маош ва кўтарма пулларни ҳам қайтаришни хоҳлайди. Кўпроқ ишлаб олсак-ку, жуда зўр, чунки Газизов Ўруновнинг 20—30 миллион евро турадиган Осиёнинг янги юлдузи бўлишини бот-бот таъкидлаганди.
Антон Фетисов, «Спартак» жамоатчилик билан алоқалар бўлими директори
Остон Россия чемпионатининг 2020/21 йилги мавсумида 14 та ўйинда майдонга тушиб, бирорта самарали ҳаракатни амалга оширмади.
Мавзуга доир: Парфе Бизоза: Остон Ўрунов «Уфа»да мода қироли
Изоҳ (0)