Bugun,

  • USD 11095.31
  • RUB 173.84
  • EUR 10772.44

Yer yuzining eng yuqori nuqtasini zabt etishni rejalashtirgan alpinistga koronavirus tashxisi qo‘yildi va uni evakuatsiya qilishga to‘g‘ri keldi. Bu haqda Tengrinews xabar berdi.

Foto: Elements.envato

Foto: Elements.envato

Pandemiya tufayli Nepal hukumati bir yillik tanaffusdan so‘ng yana Everestga ko‘tarilishga ruxsat berganidan keyin norvegiyalik alpinist Erlend Ness bir necha hafta ichida koronavirus yuqtirib olgan.

Alpinistning o‘zi virus bilan kasallanganini bilmagan. Sportchi tepalikka ko‘tarilish uchun Nepalga kelgan, lekin tog‘larda u sog‘lig‘i kun sayin yomonlashib borayotganini tushungan. Tog‘ga chiqqanidan keyin u olti kun o‘zini yomon his qilgan.

Natijada u vertolyot yordamida evakuatsiya qilingan, shifoxonada koronavirusga topshirgan testi esa musbat natija bergan. Nessdan tashqari, sherplardan (Sharqiy Nepalda yashovchilardan) birida ham koronavirus aniqlangan. Nessning bezovtaligi sababi nima ekanini bilish uchun u Nepal poytaxti Katmandudagi ikkita shifoxonada tekshirilgan va uch marta koronavirusga qarshi test topshirgan. Barcha test natijalari musbat natija bergan.

Keyinchalik Ness sog‘ayib ketdi, lekin virusni qayerdan yuqtirib olganini bilmayapti. Uning so‘zlariga ko‘ra, bu Nepaldagi uylardan birida sodir bo‘lgan bo‘lishi mumkin. Shuningdek, sportchi har doim ham niqob taqib yurmaganini va antiseptikdan foydalanmaganini tan oldi.

Avvalroq Singapur hukumati mamlakatga tashrif buyuruvchilarda koronavirusni nafas olish yo‘li orqali aniqlovchi test tizimini yo‘lga qo‘yishni rejalashtirayotgani ma’lum bo‘ldi. Bu qurilma mamlakatning yuqumli kasalliklar milliy markazida va Changi aeroportida sinovdan o‘tkazilmoqda.

Jons Hopkins universiteti ma’lumotlariga ko‘ra, dunyoda koronavirus bilan kasallanganlar soni 144 771 350 kishiga yetdi. Ushbu ko‘rsatkich bo‘yicha odatdagidek AQSh (31,9 million), Hindiston (16,2 million), Braziliya (14,1 million), Fransiya (5,4 million) va Rossiya (4,6 million) yetakchilik qilmoqda. Global o‘limlar soni esa 3 072 614 tani tashkil qilmoqda.

Izoh
Asosiy yangiliklar
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?