Ер юзининг энг юқори нуқтасини забт этишни режалаштирган альпинистга коронавирус ташхиси қўйилди ва уни эвакуация қилишга тўғри келди. Бу ҳақда Tengrinews хабар берди.
Пандемия туфайли Непал ҳукумати бир йиллик танаффусдан сўнг яна Эверестга кўтарилишга рухсат берганидан кейин норвегиялик альпинист Эрленд Несс бир неча ҳафта ичида коронавирус юқтириб олган.
Алпинистнинг ўзи вирус билан касалланганини билмаган. Спортчи тепаликка кўтарилиш учун Непалга келган, лекин тоғларда у соғлиғи кун сайин ёмонлашиб бораётганини тушунган. Тоққа чиққанидан кейин у олти кун ўзини ёмон ҳис қилган.
Натижада у вертолёт ёрдамида эвакуация қилинган, шифохонада коронавирусга топширган тести эса мусбат натижа берган. Нессдан ташқари, шерплардан (Шарқий Непалда яшовчилардан) бирида ҳам коронавирус аниқланган. Несснинг безовталиги сабаби нима эканини билиш учун у Непал пойтахти Катмандудаги иккита шифохонада текширилган ва уч марта коронавирусга қарши тест топширган. Барча тест натижалари мусбат натижа берган.
Кейинчалик Несс соғайиб кетди, лекин вирусни қаердан юқтириб олганини билмаяпти. Унинг сўзларига кўра, бу Непалдаги уйлардан бирида содир бўлган бўлиши мумкин. Шунингдек, спортчи ҳар доим ҳам ниқоб тақиб юрмаганини ва антисептикдан фойдаланмаганини тан олди.
Аввалроқ Сингапур ҳукумати мамлакатга ташриф буюрувчиларда коронавирусни нафас олиш йўли орқали аниқловчи тест тизимини йўлга қўйишни режалаштираётгани маълум бўлди. Бу қурилма мамлакатнинг юқумли касалликлар миллий марказида ва Чанги аэропортида синовдан ўтказилмоқда.
Жонс Ҳопкинс университети маълумотларига кўра, дунёда коронавирус билан касалланганлар сони 144 771 350 кишига етди. Ушбу кўрсаткич бўйича одатдагидек АҚШ (31,9 миллион), Ҳиндистон (16,2 миллион), Бразилия (14,1 миллион), Франция (5,4 миллион) ва Россия (4,6 миллион) етакчилик қилмоқда. Глобал ўлимлар сони эса 3 072 614 тани ташкил қилмоқда.
Изоҳ (0)