Janubiy Koreyaning yangi hujum vertolyotlarini sotib olishi va eskadra mina tashuvchilarini qurishi Seulning shimolga hujum qilishga tayyorgarligi doirasida amalga oshirilmoqda, deb yozdi Shimoliy Koreyaning Meari targ‘ibot sayti. Bu haqda “Interfaks” xabar berdi.
2021-yilning mart oyida Janubiy Koreya 2028-yilgacha o‘zining mudofaasini kuchaytirish maqsadida 36 ta hujum vertolyotini import qilishini va Aegis tizimi bilan jihozlangan yangi avlod eskadra mina tashuvchilarini yaratishini e’lon qilgan edi.
“Janubiy Koreya armiyasi hozir o‘z qurolli kuchlarini mustahkamlashga e’tibor qaratib, Shimolga uzoq kutilgan hujum tayyorgarligini tezlashtirishga intilmoqda”, — deyiladi sayt xabarida.
Xabarda ta’kidlanishicha, Janubiy Koreya “ikkiyuzlamachilik pozitsiyasi”da turibdi, chunki u tinchlik haqida gapirib, amalda “shimoldagi vatandoshlariga imkon qadar ko‘proq zarar yetkazish” uchun urushga tayyorlanyapti.
Meari sayti global koronavirus pandemiyasi sabab bo‘lgan “achchiq” haqiqatga ko‘proq e’tibor qaratish kerak bo‘lgan paytda qurol-yarog‘ga katta mablag‘ sarflayotgani uchun Seulning bu rejasini “g‘ayriinsoniy harakat” deb qoraladi.
Shuningdek, AQSh razvedkasining ma’lumot berishicha, Shimoliy Koreya rahbari Kim Chen In ham 2021-yilda yadro quroli yoki uzoq masofaga uchadigan raketalarni sinovdan o‘tkazishni qayta boshlashi mumkin.
“AQShni KXDRga qulay shartlar asosida muzokaralar o‘tkazishga majbur qilish uchun Kim Chen In uzoq masofaga uchuvchi raketalar yoki yadro qurollarini sinovdan o‘tkazishni qayta boshlash haqida o‘ylayotgan bo‘lishi mumkin”, — deyiladi Amerika razvedkasining dunyodagi tahdidlar to‘g‘risidagi yillik hisobotida.
“Shimoliya Koreya armiyaning yadroviy qurol bilan bog‘liq bo‘lmagan sohalarning salohiyatini ham takomillashtirishda davom etmoqda”, — deb qo‘shimcha qildi razvedka boshqarmasi.
Izoh (0)